現年28歲嘅裕美，兩年前嫁俾教友老公林恩浩，自此淡出娛圈，雖然做咗人妻，但近排裕美再度蒲頭，更離奇由以往包包面變成V煞面，五官變到連阿媽都唔認得。人妻越變越索，裕美就連感情生活都出人意表。今日有周刊圖文並茂，影到裕美偷偷搭上大台上位小生、吳若希過氣緋聞男友黃子恆。二人除拍拖到街市買餸玩煮飯仔，喺街市期間，二人雖然同時戴着黑超掩人耳目，但行街市無啦啦戴黑超，陣陣「星味」更容易惹人注目。期間，黃子恆為免裕美俾人撞親，公然攬實女方腰，親蜜關係不言而喻。買完餸後，二人轉戰到男方位於西貢村屋，喺廚房中，裕美同黃子恆夾手夾腳準備晚飯，甜蜜如新婚夫妻一樣。周刊指當日記者在村屋等足一晚，都未見女方離開，相信裕美是留宿在男方寓所，實行溫馨「宿一宵」。同時，周刊亦指近排啱啱簽新經理人嘅裕美，再度活躍於幕前，更有份拍大台新劇《心理追兇》，所以估計即時徹夜唔返屋企，都有藉口同老公講自己要通宵拍劇。而報道亦指裕美不止一次夜訪黃子恆家，到第二朝先匆匆離開，相信係趕返屋企交人。而裕美同老公林恩浩濃情轉淡亦有跡可尋，以往裕美不時會將老公同自己嘅合照，放上網同朋友開心share，但近月佢已鮮有將兩夫妻嘅合照貼上網。《蘋果》今日就事件打俾裕美同黃子恆，但二人電話已飛落留言信箱。
來源 source: http://hk.apple.nextmedia.com
【人妻偷食？】甜遊街市 村屋過夜 28歲裕美偷嗒吳若希緋聞男友
|
鍾意就快D Share啦！
|
|
|
