掃呢頁CODE去手機

2016年6月14日 星期二

當奴醫院見傳媒 少爺占趕到探望 __,少爺占,甄子康,

事件真係令人髮指。電台DJ唐劍康(Donald)、Jacky以及另一電台節目主持Colin晚上九時許於九龍城一間茶餐廳食飯期間,遭一名年約20多歲的男子襲擊,三人同告受傷送院治理。Donald戴着口罩於深夜1時許步出醫院接受傳媒簡單訪問,頭部、左手包着紗布的他,精神尚算不俗,他憶述遇襲事件經過:「我哋食飯期間,有人走入嚟打人,我哋走出去追,追咗三、四步,佢(指兇徒)攞支鐵棍出嚟打我哋,我避唔切,被 ...


事件真係令人髮指。

電台DJ唐劍康(Donald)、Jacky以及另一電台節目主持Colin晚上九時許於九龍城一間茶餐廳食飯期間,遭一名年約20多歲的男子襲擊,三人同告受傷送院治理。

Donald戴着口罩於深夜1時許步出醫院接受傳媒簡單訪問,頭部、左手包着紗布的他,精神尚算不俗,他憶述遇襲事件經過:「我哋食飯期間,有人走入嚟打人,我哋走出去追,追咗三、四步,佢(指兇徒)攞支鐵棍出嚟打我哋,我避唔切,被揼中頭、手甩骹,之後個兇徒就揸走咗。(之前有冇見過呢個人?)我冇見過呢個人,亦唔知發生乜嘢事。」

以為點錯相

問到傷勢,Donald指手部有骨折,稍後時間要打石膏,但因還未到自己,才出來先交代事件,他直言遇襲時自己很驚,亦曾一度以為「飛仔點錯相」,他謂:「你知我啲同事有金毛,以為飛仔點錯相。(知不知襲擊原因?)唔知,我另外兩位同事可能會知道啲,因為我冇接觸過嗰個人,都係聽同事講。(之後會點預防同類事件再發生?)冇,都唔驚嘅,有警察。(太太係咪好擔心?)佢梗係驚」據知,Donald被打穿頭,更需要縫針。

因Donald遇襲後,未能如常為深夜電台節目開咪,故他特別向拍檔致歉,他謂:「最唔好意思係要同事幫手頂住做直播。(幾時出院?)打完石膏之後,醫生會再睇,(會休息幾耐?)電台節目唔會停(意指唔會休息好耐)。」

少爺占到醫院探望

完成訪問之後,Donald鞠躬致意,並返入醫院大堂,其電台節目拍檔「少爺占」亦已趕到醫院,兩人在大堂傾談完一輪之後,Donald便步返病房等候打石膏。而少爺占亦有在社交網站上載照片,並留言「詳情九月艾粒show再同大家交代。」


來源 source: http://hk.on.cc
鍾意就快D Share啦!