2016年6月14日 星期二

被指偷食黃子恆 裕美親證搞緊離婚 裕美,黃子恆

裕美承認與老公林恩浩因性格不合正搞緊離婚。今日有報道指人妻裕美偷食無綫藝員黃子恆,兩人被拍得到街市買餸,及後被指到男方家中過夜,對於此事《東網》記者找來裕美回應,她說:「嗰日係假期,約咗一班朋友食飯,同行仲有其他幕後人員,知道當時有人影,有想過同偷影者講清楚,但最後對方不知所終,當時一班人買餸,我冇過夜,係一班人搞大食會,大約(夜晚)8、9點離開,因為有嘢做。(黃子恆係咪追你?)佢係我好好朋友,依 ...


裕美承認與老公林恩浩因性格不合正搞緊離婚。

今日有報道指人妻裕美偷食無綫藝員黃子恆,兩人被拍得到街市買餸,及後被指到男方家中過夜,對於此事《東網》記者找來裕美回應,她說:「嗰日係假期,約咗一班朋友食飯,同行仲有其他幕後人員,知道當時有人影,有想過同偷影者講清楚,但最後對方不知所終,當時一班人買餸,我冇過夜,係一班人搞大食會,大約(夜晚)8、9點離開,因為有嘢做。(黃子恆係咪追你?)佢係我好好朋友,依家我重新出發拍《心理追兇》,雖然黃子恆唔係同我同劇,但我好多嘢都唔識,要請教佢,我哋係冇嘢嘅!(有攬腰喎!)角度問題,正如啲人話我整容,都係角度問題,由得人講。」

自爆搞緊離婚

記者續追問怕唔怕老公林恩浩介意?裕美始驚爆搞緊離婚,她說:「單身半年以上,辦緊離婚手續,最唔開心時間已過,同老公發生問題期間以淚洗面,因為宗教問題離婚會受壓,最擔心係阿媽,驚佢激動,所以媽咪最近先知。」問到婚姻幾時出現問題?裕美說:「都有一段時間。(係咪你有第三者?)我唔係。(係咪你老公有第三者?)我唔回應,只可以答性格出現問題,有挽救過呢段婚姻,但都冇辦法,我同老公仲係朋友。」

拍劇重新出發

裕美之前曾因事業低潮諗過自殺,故今次婚姻出現問題,她亦有小心處理情緒:「自己之前有情緒病,事業低潮問題,最嚴重諗過自殺,承受好大壓力但係呢家冇再諗喇!」最後裕美表示啱啱簽咗新經理人,會拍劇重新出發,唔需要老公贍養費。她又再三強調黃子恆唔係男友,並非發展中,只係工作上朋友,自己現在單身。 


來源 source: http://hk.on.cc
鍾意就快D Share啦!