DJ當奴商台DJ當奴(唐劍康)今晩約9時許於九龍城遇襲，遭數名持刀及水喉通男子伏擊，頭部受傷，即送往伊利沙伯醫院。商台對外事務部稱當奴今晚係同DJ Collin、Jacky食飯，又指事件係「遇fans狂徒衝入嚟襲擊，三人均受傷，事件交警方處理。」今晚少爺占如常返商台開咪，商台外的保安亦未見特別嚴密。至於雲海——曾與當奴在商台共事、最後絕交告終的雲海，於晚上9時45分左右於fb寫道:「嘩！不斷收到商台當奴遇擊新聞訊息！大家不用再send！雖然立埸處事不同，但絕對反對暴力！希望當奴盡快無事！ps香港不是一個訴諸暴力的城市！」2013年6月，雲海主持的商台叱咤903節目《摩星嶺4號》突然叫停，之後雲海於其facebook開始連載三部曲，講番成事前因後果，包括指有903高層喺事前事後冇知會情況下、刪走佢近二十分鐘內容，雲海當時稱曾致電相熟DJ兼高層，豈料對方突然同雲海講:「你離題呀!嚴重離題呀!有人要剪走啲嘢都應該呀!你認唔認先!你認唔認先!」未幾雲海宣佈請辭。雖然雲海未有指名道姓，但有回應網民猜測。因為雲海曾表示「通常絕交，我會送大禮物!」事有湊巧，雲海離開當日，就送咗「三十萬年瑪瑙」畀903助理總監、艾粒嘅當奴。有網民再留言:「竟然是……三十萬年瑪瑙先生……無法相信。」雲海即回覆:「我仲震驚!」兩人不和已經不是秘密。
|
鍾意就快D Share啦！
|
|
|
