頭部及左手受傷的商台DJ當奴被送往伊利沙伯醫院治理後，情況穩定。大約凌晨1時許，面帶倦容的當奴，戴上口罩，衣領有血迹，在醫院的走廊接受《蘋果》訪問，初時他向在場的記者鞠躬並指不好意思，其後稱現時頭部須縫兩針，左手亦因有少許骨裂及甩骹，稍後要打石膏，未知何時才能出院。他憶述，當時他剛做完節目，便趁空餘時間到九龍城一間茶餐廳食晚飯，「食食吓有個男人衝咗入嚟，就打咗坐喺出面嘅Colin同Jacky，我哋嘅本能就追出去啦，我諗追咗3至4步啦，個人就打開車尾箱，拎咗枝鐵棍出嚟追返我哋」。該名男子向他們3人施襲，當奴立即在本能下用手檔格但無果，頭部及左手受傷甩骹，其後便跑上的士駕車離去。當奴稱從未與施襲者見過面，所以不知為何被人打，「當時好驚，開頭以為係飛仔點錯相，你知我啲同事係金毛㗎啦，打完一個又一個」，追出去時發現施襲者跑上的士，便估計與瘋狂聽眾有關，「之前都聽過有的士司機係咁…不過係啲同事接觸過，我都係聽過姐」，自言同事大概知道「發生咩事」，但他就完全茫無頭緒。對於今次遇襲事件，當奴感到十分抱歉，「最唔好意思就係麻煩到啲同事，因為原本夜晚(節目)要做直播，而家就要阿占頂住囉」。想睇最新消息？ 即時follow【現場－蘋果突發】fb！http://fb.com/applecitycrime
來源 source: http://hk.apple.nextmedia.com
|
鍾意就快D Share啦！
|
|
|
