掃呢頁CODE去手機

2016年6月24日 星期五

直播精華:蕭正楠爆阿媽同翠如有分歧 __,翠如,蕭正楠,正楠,黃翠如,

為咗個髮型,蕭正楠都可以咁苦惱,仲想身邊兩個女人都開心,呢啲咪好仔咯。蕭公子蕭正楠今日喺《東網巨星》同《東網》fb同大家玩直播,除咗講吓佢嘅急性皮膚炎,仲講咗啲翠如同佢媽咪嘅分歧,到底係咩呢?唔使心急,呢個時候,先睇吓我哋嘅直播精華,再撳條連結睇吓阿蕭點講啦!自嘲原始人「我係原始人,對科技唔追求,幾新鮮可以喺網上傾吓偈。我最近拍緊《翻生武林》,開咗工一星期多少少,係古裝武打喜劇,我都幾鍾意演喜劇, ...


為咗個髮型,蕭正楠都可以咁苦惱,仲想身邊兩個女人都開心,呢啲咪好仔咯。蕭公子蕭正楠今日喺《東網巨星》同《東網》fb同大家玩直播,除咗講吓佢嘅急性皮膚炎,仲講咗啲翠如同佢媽咪嘅分歧,到底係咩呢?唔使心急,呢個時候,先睇吓我哋嘅直播精華,再撳條連結睇吓阿蕭點講自嘲原始人「我係原始人,對科技唔追求,幾新鮮可以喺網上傾吓偈。我最近拍緊《翻生武林》,開咗工一星期多少少,係古裝武打喜劇,我都幾鍾意演喜劇, ...


為咗個髮型,蕭正楠都可以咁苦惱,仲想身邊兩個女人都開心,呢啲咪好仔咯。

蕭公子蕭正楠今日喺《東網巨星》同《東網》fb同大家玩直播,除咗講吓佢嘅急性皮膚炎,仲講咗啲翠如同佢媽咪嘅分歧,到底係咩呢?唔使心急,呢個時候,先睇吓我哋嘅直播精華,再撳條連結睇吓阿蕭點講

自嘲原始人

「我係原始人,對科技唔追求,幾新鮮可以喺網上傾吓偈。我最近拍緊《翻生武林》,開咗工一星期多少少,係古裝武打喜劇,我都幾鍾意演喜劇,不過夏天拍古裝會辛苦啲,同埋大家睇到《東網》新聞,都知我急性皮膚炎,咁大個仔未試過,我本身皮膚好靚㗎,好少粒粒,嗰日一朝早拍完,突然發現左手花晒,呢個位出咗啲痕痕哋嘅嘢,好細撻,我唔理佢繼續開工,愈開就覺得周身痕,𢱑落去硬硬哋,收工諗住返屋企沖個凍水涼搞啲,突然發晒出嚟,好多,身同背都有,好彩第二日唔使返工,即睇醫生。好痕㗎,有水泡,感覺唔係幾好受,𢱑又唔𢱑得,好彩冇生上面同頸,可以繼續開工。有個好醫生幫我開藥,幾日已經好番晒,大家唔使擔心。」

皮膚炎似生痔瘡

「35度拍古裝熱唔熱,你試吓着古裝,你就知道熱唔熱,不過其實之前我拍過好多古裝,都試過喺好熱地方,着過好多種衫,我今次嘅服裝唔算太熱,都OK,監製對我好好,我已經唔可以呻熱,其他着錦衣衛衫嘅演員仲熱呀!有時會驚凍親添呀!我皮膚炎康復晒喇,多謝你,不過啲印要再過多一、兩個星期先好番。我自己有時都擔心着啲衫厚,我哋又要打、又要盛,我驚多汗,啲汗焗番晒出嚟,皮膚痕好慘,又唔𢱑得,一𢱑出水,好似人哋生痔瘡咁㗎,要搵啲嘢墊高坐呀。」

羅威信變奸仔?

「我有個開心消息講,《巨輪2》好快同大家見面,今次更有味道,今次講經營生意之道,同埋有澳門狂人嚟㨶亂生意,我同阿田關係都有變化,因為佢變咗阿媽咁成日哦我,唔畀我做錯事,但我個角色又覺得非常時期,要做非常嘅嘢,總之今次羅威信(角色)會有好大變化。」

「古裝同時裝,我覺得古裝方便啲,因為衫唔係好多,所以雖然着衫辛苦,因為好多層、好多配件,但就可以一個LOOK踩一日,可以慳好多時間,但時裝就每一場都要轉,而且時裝武打冇古裝咁多樣化。」

「阿媽開心好定翠如開心好」

「我PAT蔭係真嘅,點會係假嘅呢?開頭好高,依家SIR番晒落嚟,但大家覺得留唔留蔭好呢?呢個問題我同媽咪討論過好多次,依家有兩邊線,媽咪覺得GEL高好睇,翠如覺得跌落嚟好睇,令到我好兩難,咁令阿媽開心好定翠如開心好呢?「媽咪同翠如跌落水會救邊個先?哈哈哈哈,點解要問呢啲?我都唔係好識游水,我會報警,會搵差人求救。」

寸黃宗澤張繼聰似女人

「拍古裝瘦咗幾磅?我冇計過,臨拍之前覺得自己肥咗,所以食嘢方面好注意,少咗味道,因為我哋做嘢唔定時,味道又濃喎,依家味道淡咗,有啲唔慣,但咁樣係健康嘅,但我都開始煮嘢落少啲油鹽,呢個係喺黃宗澤同張繼聰學番嚟,佢哋好似女人咁,好煩,食飯要擺好多碗水喺前面,食每樣嘢都要浸過水先,我就覺得你咁樣食都冇趣味但當你食慣(淡味),就會覺得啲濃味嘢好咸。」

讚翠如廚藝有進步

「翠如煮咩叻呀?佢都冇咩叻,但嗰次佢拍旅遊特輯學咗味咖喱三文魚嘅食物,我嗰次都食咗,都幾好味,都有進步,佢仲話有幾款新嘢想整畀我食,我期待」

同阿廉食飯被誤會

「拍劇最怕遇到咩情況?分瓶啦,譬如一日通告,你拍完頭一場、再拍最尾嗰場,中間唔知做咩好。時裝冇咩所謂,但古裝好麻煩。例如下午六點拍完、凌晨十二點再拍,又唔可以拆頭,咁唯有頂住古裝頭去食飯。嗰日我同阿廉(曹永廉)食飯,結果老闆行嚟打招呼,原來佢唔敢行埋嚟,以為阿廉同女仔食飯,搞笑。同埋因為我鍾意做嘢不停咁做,然後放一段時間,我唔鍾意做一做、抖一抖,我覺得隔開咗做嘢嘅狀態。」

「會唔會出碟?因為我已經演員身份好耐,我都唔知大家仲記唔記得我唱過咩歌呢?嚟緊我會唱主題曲,呢段時間好多謝TVB,佢冇忘記我係歌手,一直有機會畀我唱歌,我依家都唱咗接近十首主題曲,呢個非常感恩,希望多啲機會出席活動,喺現場唱畀大家聽啦,好快有歌唱畀大家聽。」

《東網巨星》fb連結:

http://goo.gl/Xxyxu8

《東網》fb連結:

http://goo.gl/JUYwMV


來源 source: http://hk.on.cc
鍾意就快D Share啦!