熱爆娛樂: 《愛•回家》幫拖炮製求婚 P　嚴謹張達倫 11月娶性感「高圓圓」 [壹週刊

2016年6月30日星期四

《愛•回家》幫拖炮製求婚 P　嚴謹張達倫 11月娶性感「高圓圓」 [壹週刊 - 1373] __,張達倫,高圓圓,圓圓,愛•回家,M1,

嚴謹同 Kimmy日前在中環拍拖，兩個人無論搭車又或撐枱腳，都黐到實， sweet爆。

娛樂偵訊

《愛•回家》幫拖炮製求婚 P　嚴謹張達倫 11月娶性感「高圓圓」

跟拍拖九年的黎芷珊分手後，「嚴謹」張達倫便被貌似高圓圓的圈外女友 Kimmy俘虜，拍拖兩年，女友亦早已融入《愛•回家》，成為大家庭一分子。

去年十月， Kimmy暗中召集朋友替張達倫搞 37歲驚喜生日飯局，但到頭來反而是自己「被驚喜」，男友生日變求婚 party。求婚成功，今年十一月將在港註冊擺酒，馬壯黎諾懿及醒哥朱滙林，亦接晒柯打，做兄弟。

女友火辣辣

正在跟回巢藝人陳松伶、張兆輝趕拍新劇《全職沒女》的張達倫，難得有日冇通告，跟做 OL、貌似高圓圓的圈外女友 Kimmy去街鬆一鬆。

著住穿窿裙散熱、盡騷一身蜜糖膚色的 Kimmy，跟男友拍拖中環怡和大廈的 Morty's Deli午飯，叫完沙律再點牛肉三文治，兩份食，出名細心的嚴謹，不忘風度幫女友夾食物，周到得令對方不時開心甜笑。

撐枱腳一個鐘，二人拖住行去中環機鐵站，雖然人來人往，不過拍拖唔收埋的嚴謹，全程大方孖住行。

三文治兩份食

在 Morty's Deli食晏，嚴謹同 Kimmy牛肉三文治兩份食。

摸鬚根

車廂內， Kimmy忍唔住摸嚴謹啲鬚根。

十指緊扣

食完飯，兩個人手拖手行去機鐵站。

零距離

在機鐵站，二人一前一後黐到實搭扶手電梯， Kimmy更攬實嚴謹耳語。

求婚 P

得米嚴謹在準老婆身邊，笑到見牙唔見眼。

求婚成功，一班朋友開心食飯。

生日變求婚

「舊年達倫生日， Kimmy一心諗住幫佢搞個 surprise party，點知俾達倫發現咗，仲繼續扮唔知，叫埋大家一齊做戲，反客為主，達倫嗰晚準備晒求婚蛋糕同玫瑰花向女友求婚。」知情者說。

事後朋友將嚴謹生日相放上網開心 share，但未有提到求婚成功一事，當中只有一張是 Kimmy捧住一束玫瑰花坐中間，是當晚答應求婚後影的大合照。

嚴謹跟 Kimmy識咗 10年，直到兩年多前才開始拍拖。

在 Kimmy的 Fb發現，嚴謹孖住她，經常約《愛•回家》一班 friend行山。

女友 Kimmy同高圓圓似樣，亦有朋友覺得佢似陳自瑤，點都好，靚女一名。

兄弟班幫手

「 Kimmy嗰晚見到個蛋糕已經忍唔住眼濕濕，達倫一開聲求婚，佢就爆喊，係咁話估唔到達倫有咁嘅安排，好意外！咪睇佢平日唔多出聲，其實好細心。

「同 Kimmy拍拖初期，因為女友唔係圈中人，為咗想對方可以易啲融入到自己圈子，達倫特登帶 Kimmy同《愛•回家》班家人一齊玩，等大家慢慢熟落。佢哋同諾懿兩公婆成日都會約埋行山做運動，另外姑姐（郭少芸）都係行山鐵腳。」

十月便三十八歲的張達倫，已經預早 book定黎諾懿、朱滙林等幫手，為十一月舉行的婚禮做兄弟，李霖恩則負責司儀。

「達倫都唔想再麻煩太多人，所以只係搵咗幾個 friend幫手，其他人嚟飲，佢已經好開心。」知情者說。