掃呢頁CODE去手機

2016年6月11日 星期六

港姐:Yoki未入圍已獲邀出席廿萬飯局 __,Yoki,港姐,

Yoki網上自爆獲邀出席廿萬嘅飯局!《2016香港小姐競選》日前舉行首輪面試,唔少佳麗已火速被起底。當中稱曾任職NowTV嘅模特兒YokiTong(唐碧霞)昨晚喺Facebook上上載電話截圖,指收到出席「內地商務飯局」嘅邀請,對方更開價廿萬!不過,Yoki隨後又將該截圖刪除。《東網》亦火速聯絡Yoki了解吓,佢就話:「我覺得係唔尊重我,我一見到都有啲驚。其實最估唔到係對方知道我E-mail,唔知 ...


Yoki網上自爆獲邀出席廿萬嘅飯局!

《2016香港小姐競選》日前舉行首輪面試,唔少佳麗已火速被起底。當中稱曾任職Now TV嘅模特兒Yoki Tong(唐碧霞)昨晚喺Facebook上上載電話截圖,指收到出席「內地商務飯局」嘅邀請,對方更開價廿萬!不過,Yoki隨後又將該截圖刪除。

《東網》亦火速聯絡Yoki了解吓,佢就話:「我覺得係唔尊重我,我一見到都有啲驚。其實最估唔到係對方知道我E-mail,唔知佢邊度搵出嚟。即使對方出到廿萬,我覺得無論係幾多錢都好,我都唔會出賣自己身體!」

姑媽過身成選港姐動力

另外Yoki又講到去年姑媽過身成為佢參選嘅最大動力:「上年有個親人過咗身,即係我姑媽,佢都有一直留意我做模特兒嘅工作,佢臨走時話好想睇到我喺舞台上發光發亮。其實我都知參選港姐會有好大好大嘅壓力,會好快畀人起到底,又會有輿論上壓力,不過因為姑媽呢個心願,畀到勇氣我踏出呢一步。」

原來Yoki曾喺Now TV做過體育節目主持,問點解佢唔參加自己公司嗰個選美真人騷《美選D.n.A.》,反而參加無綫港姐?佢即刻賣口乖:「因為港姐歷史悠久,有代表性,我相信做港姐係好多個女仔由細到大嘅夢想。」


來源 source: http://hk.on.cc
鍾意就快D Share啦!