2016年6月30日 星期四

蔡一智父子 炸水爽 YY [壹週刊 - 1373] __,蔡一智,M1,

同你吟一吟蔡一智父子 炸水爽YY夏日炎炎,除咗瞓!最爽YY嘅,當然係浸响水度,降降溫。上星期三(六月二十二日),蔡一智同老婆周雪芳,就帶咗一對仔女去淺水灣游水;怕中午太陽猛,一家人專登等到四點先去到沙灘,兩個小朋友亦著晒長A,以免曬傷。一到埗,印傭姐姐set好個壇,蔡一智就拎住對手袖水泡係咁吹,幫三歲囝囝世倌上齊裝備,帶埋兩支浮條,就同一對仔女落水。細佬有老豆全程傍住玩,已經十歲大嘅China明顯 ...


同你吟一吟

蔡一智父子 炸水爽 YY

夏日炎炎,除咗瞓!最爽 YY嘅,當然係浸响水度,降降溫。

上星期三(六月二十二日),蔡一智同老婆周雪芳,就帶咗一對仔女去淺水灣游水;怕中午太陽猛,一家人專登等到四點先去到沙灘,兩個小朋友亦著晒長 A,以免曬傷。

一到埗,印傭姐姐 set好個壇,蔡一智就拎住對手袖水泡係咁吹,幫三歲囝囝世倌上齊裝備,帶埋兩支浮條,就同一對仔女落水。

細佬有老豆全程傍住玩,已經十歲大嘅 China明顯熟水性,就算出到浮台咁遠,一樣夠膽炸水,完全唔驚。

兩細一大玩咗近兩粒鐘,媽咪下令收隊,去沖身走人。

十歲 China唔使大人照顧,第一時間撲落水,而全程有老豆傍住玩嘅世倌,雖然未可以自己游,一樣超開心。

出到浮台, China玩埋炸水。

見囡囡炸得咁 happy,蔡一智亦同囝囝手拉手,嚟個父子雙人炸,之後仲將囝囝當啞鈴,用雙腳夾住,舉上舉落。

蔡一智攞咗老婆手上杯剩番兩啖嘅汽水,同囝囝分甘同味。

除咗帶定浮條,蔡一智仲幫囝囝預備好手袖水泡,雙重保險,未落水,先興奮嘅世倌,仲帶埋架運沙車嚟玩沙。

家姐 China郁手幫印傭姐姐鋪沙灘墊,細佬就幫手孭袋,兩姐弟都自動分擔工作,好家教!

咁好風景,瞄兩眼,少不免。

六點鐘,媽咪下令散水,去沖身。

撰文:八珍


鍾意就快D Share啦!
Related Posts Plugin for WordPress, Blogger...