唔知大家仲記唔記得4歲就開始做童星，曾經拍過《皆大歡喜》、《秀才遇著兵》、《隨時候命》等，同提大家「入迪士尼做足準備嘅」Jacky仔王樹熹呢？！眨吓眼，原來Jacky仔今年已經中學畢業，今日佢DSE放榜，《蘋果》就聯絡到Jacky仔，佢話佢攞到21分，成績算屬中規中矩，入讀大學應該冇問題。不過，Jacky仔就話對自己成績有少少失望，佢話﹕「有啲未如理想，今次係有啲失咗手，但都ok正常嘅。」今年有2 ...
唔知大家仲記唔記得4歲就開始做童星，曾經拍過《皆大歡喜》、《秀才遇著兵》、《隨時候命》等，同提大家「入迪士尼做足準備嘅」Jacky仔王樹熹呢？！眨吓眼，原來Jacky仔今年已經中學畢業，今日佢DSE放榜，《蘋果》就聯絡到Jacky仔，佢話佢攞到21分，成績算屬中規中矩，入讀大學應該冇問題。不過，Jacky仔就話對自己成績有少少失望，佢話﹕「有啲未如理想，今次係有啲失咗手，但都ok正常嘅。」今年有24,467名考生至少考獲「3322」入讀本地大學的最低要求，今年資助學士學位有15,170個，扣除撥作取錄非本地及非聯招收生學額，餘1.3萬個供應屆考生於聯招競逐，即平均1.87人爭一席。( http://bit.ly/29PenWD )原來Jacky一直好想似哥哥王秉熹(Jeffrey)咁叻，入讀浸會傳理系，但o依家可能有啲掹車邊，佢解釋﹕「哥哥讀書成績一向好好，之前仲去咗英國交流，但我係4+1(最佳五科成績)得21分，如果要讀浸大傳理就係邊緣啲，所以打咗個底報埋浸大副學士傳理系，唔係傳聞中浸大傳理已經收咗我。而第二選擇就係CityU(香港城市大學)嘅傳理系。」Jacky仔話英文同Business accounting and financial studies(BAFS)成績最好，同得5分，但攞唔到5(星星)，佢話﹕「英文reading就5(星星)，但作文拉低咗，而BAFS我原本都預有星，可惜冇。最差係中文，好難㗎！」Jacky喺視壇休息咗咁耐，佢話都想出番嚟拍戲，佢話﹕「應該都抽到時間，讀大學後可以多啲時間，邊拍邊返學，但都會著重學業。」
Jacky仔(左)想好似阿哥王秉熹(右)咁叻，入讀浸會傳理系 
童星出身嘅Jacky曾與同是童星出身嘅王書麒接受訪問。 