2016年7月14日 星期四

艾威魚蛋檔招財 [壹週刊 - 1375] __,艾威,M1,

得美容院贊助護膚,咬住竹籤嘅艾威買魚蛋小食請下午茶,幾大袋走,離開時由冇人變排晒隊。同你吟一吟艾威魚蛋檔招財劈炮唔做大台嘅譚小環,開檔賣魚蛋掂咗,今年仲喺尖沙咀搞多檔,發大嚟搞。不過,呢日艾威唔吼小環檔「渣哥一九九六」,而係去咗都有幾間分店嘅「林昌記」。買買買,四大袋,艾威現場篤住食等,搞到塞晒車現人龍。點解買到上倉咁?原來嗰日佢去附近一間美容院做facial,人哋贊助扮靚,艾威於是請食魚蛋回報。 ...


得美容院贊助護膚,咬住竹籤嘅艾威買魚蛋小食請下午茶,幾大袋走,離開時由冇人變排晒隊。

同你吟一吟

艾威魚蛋檔招財

劈炮唔做大台嘅譚小環,開檔賣魚蛋掂咗,今年仲喺尖沙咀搞多檔,發大嚟搞。

不過,呢日艾威唔吼小環檔「渣哥一九九六」,而係去咗都有幾間分店嘅「林昌記」。

買買買,四大袋,艾威現場篤住食等,搞到塞晒車現人龍。

點解買到上倉咁?原來嗰日佢去附近一間美容院做 facial,人哋贊助扮靚,艾威於是請食魚蛋回報。做人嘅嘢,你氹我我氹你,最緊要唔係自己着數晒,艾威咁做,啱嘅!

等候期間,艾威自己都忍唔住篤番兩粒。

撰文:八珍


鍾意就快D Share啦!
Related Posts Plugin for WordPress, Blogger...