女神陳妍希聽日結婚，而佢同陳曉嘅婚照就今日曝光！
台灣33歲女星陳妍希同大陸男星陳曉喺7月5日領證結婚，正式成為夫妻！唔經唔覺，時間過得非常快，聽日（19日）就係佢哋喺北京舉行婚禮嘅日子喇！隨後仲會去到台灣及安徽合共舉行三場婚禮！雖然未知聽日場面有幾咁墟冚，但大婚再即，妍希BB同老公嘅甜蜜婚照率先喺今日曝光！
相中妍希着上白色露肩婚紗，而陳曉就着上黑白配嘅西裝，拍攝背景以白色為主，行簡約路線！不過簡單就是美，妍希翹實陳曉時流露出真摰笑容，而男方攬實老婆時非常自然！但不得不提嘅就係妍希戴喺食指上嘅鑽戒，佢仲輕輕親吻戒指，感覺非常幸福！
其實兩人早前亦為台灣雜誌合體影過婚照，不過相信今次就係正式嘅婚照喇！
來源 source: http://hk.on.cc
|
鍾意就快D Share啦！
|
|
|
