掃呢頁CODE去手機

2016年7月18日 星期一

【獨家】$200入場費要講價 王敏德17歲孻仔一拖四蒲老蘭失威 __,王敏德,

王敏德同名模馬詩慧(Janet)嘅17歲孻仔王躍穎(Kadin),仍未夠秤嘅佢遺傳老竇基因,年紀細細已經puppylove,不過初戀唔夠3個月已玩完,早前宣佈同拍拖3個月嘅女友Mimi閃電分手,Kadin承認自己遺傳咗老竇嘅花弗性格,仲坦言已經有新目標㖭。女去女還在嘅Kadin,果然冇吹牛,噚日(17號)凌晨,佢就一孖四到中環夜蒲,好威威!全身黑look型仔打扮嘅Kadin,約凌晨12點半現身蘭桂 ...




其他影片:>>






王敏德同名模馬詩慧(Janet)嘅17歲孻仔王躍穎(Kadin),仍未夠秤嘅佢遺傳老竇基因,年紀細細已經puppy love,不過初戀唔夠3個月已玩完,早前宣佈同拍拖3個月嘅女友Mimi閃電分手,Kadin承認自己遺傳咗老竇嘅花弗性格,仲坦言已經有新目標㖭。女去女還在嘅Kadin,果然冇吹牛,噚日(17號)凌晨,佢就一孖四到中環夜蒲,好威威!全身黑look型仔打扮嘅Kadin,約凌晨12點半現身蘭桂坊,當時身邊伴住4位長髮美少女,佢哋分別着性感吊帶背心、tube top襯熱褲、超短裙嘅戰鬥格,不約而同以黑白look晒腿,八條玉腿圍實Kadin招搖中環街頭,場面夠晒壯觀。型仔Kadin一孖四女浩浩蕩蕩去到夜場PLAY,由於正藉放暑假,現場有好多ABC後生仔女十分熱鬧,不過,當佢哋預備入場時,由於PLAY要收取每位$200入場費,同行嘅晒腿妹都話唔買飛,Kadin似乎冇乜所謂,就齊齊離去。但佢哋行咗冇耐,就停低傾,同行嘅女伴唔想掃興,有人提出話再入去傾,傻更更嘅佢哋竟然以為PLAY可以講價收平啲,甚至唔收錢畀佢哋免費入場,所以一行五人又返轉頭,同門外嘅工作人員傾,搞咗足足十分鐘,工作人員堅持要收入場費,結果佢哋梗係失望而回啦。不過,PLAY因為係夜場關係,有規定成年人先可以入場,Kadin未夠18歲,就算講數成功,都應該係偷雞入場。五人敗走,咁跟住去邊度?於是企喺街度又傾一輪,全程英語交談。最後Kadin話:「算啦,唔玩,你哋玩!」其中一位着吊帶黑背心襯白色熱褲嘅長髮少女,似乎對Kadin好嗒糖,捉住佢講:「不如轉場玩」但Kadin竟然堅持撇甩四女,話:「你哋去玩啦,have fun!」之後佢獨自由蘭桂坊行去ifc搭的士,沿途用耳機聽住歌。去到ifc之後唔即刻截的士,反而一個人喺條街呆站十分鐘,先至截的士返跑馬地嘅屋企。

採訪、攝影:楊浩賢、陳辰 王敏德孻仔王躍穎果然多囡,噚晚一拖四蒲老蘭
不過可能因為入場費太貴,佢哋最後都冇入到場。 就算有囡撩佢轉場玩佢都冇理,淨係話﹕「你哋去玩啦,have fun。」
最後攬攬就走人

鍾意就快D Share啦!