(互聯網圖片)
女仔去踢波，好多巴打都冧，喂唔止睇喎仲要踢喎，點都加分啦。但嚟自廣東嘅蘆康娟，就唔需要呢啲同情分，因為堅正！呢名司職後衞嘅22歲美女，日前出席球會發布會，其中一張側面相無意中畀國內網友發現，即刻一夜爆紅，個個都跪求佢嘅真名同微博。唔使幾耐，小娟娟嘅海量自拍玉照就畀人鋪晒上網，被封全國至索女足。
日前廣東隊宣布同財團合作，即將征戰國內女子甲組賽事，出席相關發布會嘅小娟娟，意外爆紅。嗰張側面相，面尖尖頭髮長長，網友高呼勁高顏值，仲話佢勁似國內美女演員關曉彤，真係想唔紅都難。經過網民出力肉搜後，知道佢係效力廣東隊嘅蘆康娟。睇過小娟娟嘅Selfie後，網友都話佢靚過中國女足美人趙麗娜，至正球員之名當之無愧，仲話佢樣靚身材正又有長腿，走去踢波真係嘥晒，應該去做明星！
來源 source: http://hk.on.cc
|
鍾意就快D Share啦！
|
|
|
