2016年7月28日 星期四

胸 pat唔掂得 袁偉豪騰雞抱黃智雯 [壹週刊 - 1377] __,袁偉豪,黃智雯,M1,

唔想俾人誤會,袁偉豪抱起黃智雯時只靠兩前臂交叉發力,上半身亦盡量向後仰,以免碰到對方心口,十分小心。同你吟一吟胸pat唔掂得 袁偉豪騰雞抱黃智雯智雯有個喺謝瑞麟做高層,拍拖多年嘅男友Anthony;袁偉豪亦唔失禮,女友岑杏賢係碩士港姐。大家各有所屬,就算劇情需要,兩個奉旨親熱身體有接觸,亦要特別謹慎;尤其袁偉豪,稍有差池,變成鹹豬手,返屋企有排解畫。大台劇《三個女仔一個「因」》拉隊喺中環遮打花園拍 ...


唔想俾人誤會,袁偉豪抱起黃智雯時只靠兩前臂交叉發力,上半身亦盡量向後仰,以免碰到對方心口,十分小心。

同你吟一吟

胸 pat唔掂得 袁偉豪騰雞抱黃智雯

智雯有個喺謝瑞麟做高層,拍拖多年嘅男友 Anthony;袁偉豪亦唔失禮,女友岑杏賢係碩士港姐。

大家各有所屬,就算劇情需要,兩個奉旨親熱身體有接觸,亦要特別謹慎;尤其袁偉豪,稍有差池,變成鹹豬手,返屋企有排解畫。

大台劇《三個女仔一個「因」》拉隊喺中環遮打花園拍外景,袁偉豪要當街將對手黃智雯直立式抱起,兩個傾掂數試咗幾次位,正式都 take咗三、四次,導演先收貨。

為免碰到唔方便碰到嘅地方,例如胸呀籮呀!袁偉豪從黃智雯大髀落手,只見佢將兩前臂交叉,用力將對方成個箍起之餘,仲要將頭同上半身向後仰,避開掂到黃智雯個心口。

辛苦晒呀,袁偉豪!

導演嗌 cut機,著住斗令踭嘅黃智雯安全着地,要左閃右避嘅袁偉豪兩隻手已經梗晒!

黃智雯借力用手㩒住袁偉豪膊頭,盡量令身體不向下跣。

正式前,袁偉豪先同黃智雯夾定,究竟應該點落手。

卅幾度大熱天拍外景,兩個主角流晒汗,要不停補妝。

撰文:八珍


鍾意就快D Share啦!
Related Posts Plugin for WordPress, Blogger...