掃呢頁CODE去手機

2016年8月3日 星期三

名人:45歲王賢誌排除萬難 溫哥華圓婚 __,王賢誌,

可以同自己嘅初戀情人結婚,相信好多人都未必有呢份福氣。王賢誌(Vinci)和相戀七年的初戀男友KevinChow結婚了!今年45歲的Vinci向來性向成疑,惟三年前接受電台同志節目訪問始默認為同志身份,並自爆在38歲才開齋拍拖,當時他更表態希望在香港結婚,他說:「大家好快住埋一齊,雖然冇驚天動地,不過我覺得係緣分!愛一個人點解唔可以結婚呢?我仲想搞個大型嘅婚禮,如果係咁一定要喺香港搞,多啲親戚朋友 ...


可以同自己嘅初戀情人結婚,相信好多人都未必有呢份福氣。

王賢誌(Vinci)和相戀七年的初戀男友Kevin Chow結婚了!今年45歲的Vinci向來性向成疑,惟三年前接受電台同志節目訪問始默認為同志身份,並自爆在38歲才開齋拍拖,當時他更表態希望在香港結婚,他說:「大家好快住埋一齊,雖然冇驚天動地,不過我覺得係緣分!愛一個人點解唔可以結婚呢?我仲想搞個大型嘅婚禮,如果係咁一定要喺香港搞,多啲親戚朋友嚟到。」

天賜良緣,Vinci和從事飲食生意的初戀男友Kevin踏入七年之癢時,在雙方家長見證下,在加拿大溫哥華時間八月一日正式註冊結婚,成為香港首位公開承認跟同性結婚的男藝人!昨日Vinci在社交網站上載一張以白色花環圍着「Vinci Kevin」字樣的相片,並以英語留言:「Aug 1st , A Day to remember!」

著名植物公園餐廳行禮

Vinci深知Kevin熱愛大自然,所以婚禮及婚宴於溫哥華的著名植物公園VanDusen Botanical Garden的餐廳Shaughnessy Restaurant舉行,婚宴菜式採用西式,而一對新人則以黑色smart casual西裝出現,在雙方家長及親友包括父親王忠桐的見證下,完成人生大事。

逾一個月前決定結婚

一直渴望結婚的Vinci,終於能和Kevin共諧連理,實在可喜可賀。而身在加拿大溫哥華的Vinci,接受《東網》電話訪問時難掩喜悅,並邊笑邊自爆已喝醉,更謂結婚是一個多月前決定,他說:「我依家醉得好緊要,我都驚自己講錯嘢!係,我係結咗婚!多謝大家祝褔!我同Kevin一齊咗七年,結婚隨時都可以結,今次決定係咁啱我同屋企人搭郵輪去阿拉斯加,我同Kevin都有join,又咁啱喺溫哥華出發,好似樣樣都咁巧合下就決定結婚,屋企人都覺得好驚喜。由於今次好匆忙,所以只係請咗最close嘅朋友同屋企人,至親嘅家人都喺度。」

對婚禮沒太大感覺

無論婚宴、婚禮、after party的場地布置及食物等全由Vinci負責,並託溫哥華親友代辦,自己則遙距控制。向來力臻完美的他,笑言因沒時間試菜,故是唯一美中不足的地方。能和相知相愛的Kevin踏上人生新一頁,Vinci直言在婚禮中未有太大感覺,他說:「行禮時個個都以為我會好激動,但其實當時我個腦係諗梗一陣間婚宴要搞啲乜,enjoy唔到個婚禮,冇大家想像中咁激動。其實最緊要係啲賓客enjoy,有咁多人見證,個氣氛好好。今次冇擺幾百圍酒,可以慢慢同啲親人朋友逐一傾吓偈。」

「四十幾歲先願望成真」

七年來歷經困難及受盡外界目光的Vinci,對於終圓結婚夢坦言絕不容易,他說:「由細到大我都希望有結婚呢一日,到咗已經四十幾歲先可以願望成真!以我嘅工作背景,真係比普通人艱難兼要面對好多嘢,好彩我一直好努力去工作,無論係生意、演藝工作同埋慈善,唔會影響到大家對我嘅信心,同時大家對我好包容接受,我先至行到去呢一步。」

望爭取同性結婚合法化

Vinci又說非常感激Kevin的包容,他說:「大家共同生活咁多年,都已經認定對方,唔會後悔先至咁勇敢行呢一步。佢已經習慣面對傳媒,過咗最艱難嘅時間,唔會覺得有咩唔舒服,好慶幸佢接受到,因為普通人未必面對到。我希望大家支持唔同性取向嘅人嘅婚姻,希望比我年青啲嘅可以早日達成結婚嘅理想,無論同性或異性戀都好,結婚係每個人基本嘅權利,希望香港早日爭取到同性結婚合法化。」曾指希望在香港舉行婚禮的Vinci,說今次溫哥華的婚禮已耗盡心思,他說:「搞一次已經好煩,好想休息一吓,先再諗喺香港搞唔搞。」


來源 source: http://hk.on.cc
鍾意就快D Share啦!