伊能靜表示會保留法律追訴權。
台灣女星伊能靜今年6月生咗囡囡「小米粒」，之不過佢剖腹後傷口受到感染，令到刀口裂開化膿。伊能靜透露每日都要忍痛洗傷口，仲話少少嘅痛唔算得上係啲咩，母愛真偉大！今日伊能靜喺微博上載長文，講番佢刀口裂開化膿嘅事，話依家已經入醫院做手術，因為傷口感染程度無法確認，所以要重新清理之後再縫合。
合照被當廣告怒出律師信
而令伊能靜最嬲嘅係，佢話出院當日，醫生帶住護士嚟，話想同佢影相，伊能靜見大家咁有緣，就答應影相，仲同醫生講自己留嚟紀念就好，唔好外傳，結果出院當晚已經變成廣告流傳，仲話已經出咗律師信：「醫生滿口答應，但是出院當晚，這張合影就被到處宣傳為廣告。我們發出律師信。」
醫生辯稱手機被偷
之後過咗一個星期，佢發現傷口裂開成一個手指公咁長，連入面嘅血及肉都見到，咁佢搵番個醫生，但個醫生話貼美容膠布就會好番，仲畀咗抗生素佢。而個醫生仲稱聲照片流出，係因為喺醫院有人偷咗佢部電話，將呢張相流出去，先將部電話畀番佢。對於呢種種一切，伊能靜話：「這醫院真的很有問題。醫生的手機在醫院被偷，洩漏病人隠私，已嚴重觸法，我不知道醫院聽到醫生的解釋有沒有說法。因為牽涉了偷竊、入侵權。只是不懂為甚麼會偷醫生手機給醫生做廣告。」
向另一醫生求醫
結果再過多一個星期，膠布被化膿侵蝕仲發出異味，伊能靜再度求診，點知醫生再強調只係裂開無問題。結果伊能靜兩日後頂唔順痛楚同異味，係朋友介紹下搵另外一個醫生求醫，最終得到正確治療。最後佢話保留法律追訴權，仲話日後再未得到佢同意，希望該位醫生、月子中心同醫院唔好用佢做宣傳：「以上關於手機在醫院被偷，導致病人隱私外洩，我們會保留法律追訴權。也希望該醫師、月子中心、醫院都不要再拿我做宣傳傷害更多孕媽。」
來源 source: http://hk.on.cc
|
鍾意就快D Share啦！
|
|
|
