2016年8月6日 星期六

韓毓霞獵艷放閃麥明詩硬食檸檬 __,麥明詩,

麥明詩有兩個男記者埋身,竟然只換襟章冇交換電話。
韓毓霞獵艷放閃麥明詩硬食檸檬港姐麥明詩(Louisa)、韓毓霞(Wendy)代表無綫到巴西採訪奧運,連日來與攝製隊四出採訪各國運動員及周邊新聞,已擔任奧運七屆主持的韓毓霞當然識搵窿路,跟實巴西的女導遊齊齊「打獵」,向爆肌型男選手集郵,相反後生靚女Louisa就不時慘「食檸檬」,只齋換襟章,見到型男選手都只敢遠距離Selfie,認真宅氣攻心,但她笑言「食檸檬」都好,面皮厚啲都是學習。麥明詩有兩個男記 ...


韓毓霞獵艷放閃麥明詩硬食檸檬

港姐麥明詩(Louisa)、韓毓霞(Wendy)代表無綫到巴西採訪奧運,連日來與攝製隊四出採訪各國運動員及周邊新聞,已擔任奧運七屆主持的韓毓霞當然識搵窿路,跟實巴西的女導遊齊齊「打獵」,向爆肌型男選手集郵,相反後生靚女Louisa就不時慘「食檸檬」,只齋換襟章,見到型男選手都只敢遠距離Selfie,認真宅氣攻心,但她笑言「食檸檬」都好,面皮厚啲都是學習。

里約熱內盧奧運在香港時間今早七時終於正式揭幕!港姐麥明詩夥拍韓毓霞代表無綫遠赴巴西採訪,她們已逗留當地兩星期多,四處搜刮奧運第一手消息為觀眾報道。兩人之前分別採訪各國運動員,Louisa更親自到機場迎接香港隊選手抵埗,前日她亦到奧運村出席升旗儀式,坦言播放國歌及升旗時,場面感動。

每年各國都有不少靚仔、靚女運動員選手出現,主持們當然不會放過機會,四出集郵影相,就連香港主持李佳芯都表示期間睇到靚仔、靚女,不過身處巴西的靚女Louisa卻相當輸蝕,性格內斂的她向運動員要求做訪問時,更多次慘「食檸檬」,最終只跟「同鄉」的高大靚仔澳洲體操運動員訪問及合照成功,最好笑的是,「宅氣」攻心的她,面對匈牙利一班高大健碩又靚仔的男選手時,竟不敢埋身合照,只悄悄遠距離Selfie,相當搞笑!

「溝」澳洲選手

Louisa接受本報記者訪問時稱:「同運動員訪問,有時連佢哋條圍繩都唔可以越過,免得騷擾到佢哋,但有啲friendly嘅,你揮手佢哋會行過嚟受訪,我喺澳洲出世,所以都有同澳洲 運動員相識吓!其實有啲運動員未必想接受訪問,所以我都有食檸檬。(第一次食檸檬?)我份人向來比較含蓄,好少會勉強人,不過依家工作需要,唔理三七二十一都要問,不過食吓檸檬都好,都係一個學習,面皮厚啲嘛!」

麥明詩與澳洲體操靚仔選手啱嘴形。
  • 麥明詩與澳洲體操靚仔選手啱嘴形。
韓毓霞捕獲來自智利的爆肌排球手。
  • 韓毓霞捕獲來自智利的爆肌排球手。
韓毓霞主動四出集郵,收穫豐富!
  • 韓毓霞主動四出集郵,收穫豐富!

談到Wendy有向晒肌運動員集郵,問Louisa是否喜歡肌肉男?她坦言:「有健康體態係好,但唔係我擇偶條件。」Louisa亦透露有跟外國男記者交換襟章,她說:「呢個係一個傳統,好多電視台、國家隊都會出,我有好多TVB襟章,所以都有同佢哋換。(咁換完襟章有冇換電話?)梗係唔會」

智利爆肌男

而Wendy則樂於分享她的「巴西狂熱」,她接受訪問時表示同行的巴西女導遊帶她四出採訪,每逢見到魁梧有型的男選手,就會叫她把握機會「集郵」,Wendy說:「巴西人好熱情,加上位女導遊個性比較開放,見到靚仔就鼓勵我哋出擊,喺沙灘排球場就同兩位智利選手影相,兩個都係爆肌型男,好多女性朋友都話羨慕!(叫女導遊帶你去獵艷?)佢自己應該有,我哋太多工作冇時間。」談到拍檔麥明詩,身為前輩的Wendy說:「佢係一個好優秀嘅女仔,性格活潑開朗、用心又聰明,同佢合作好舒服。」

文:影視組


鍾意就快D Share啦!
Related Posts Plugin for WordPress, Blogger...