噚日《蘋果》先講完45歲小儀dry足六年，自1996年入商台做DJ後，同森美拍檔多年，事業順利，紅到除咗電台開咪，電影、拍劇同節目主持都玩埋，不過感情路就……本身小儀情史都唔係多(新聞連結：http://bit.ly/2aOwpIJ)，小儀最傷心嘅係6年前佢承認過同尚方文化出版社肥仔CEO黃志暉，一年戀情告吹。點知噚晚有臭名遠播嘅兩大「內容農場」(Content farm)看圖作文、再撈埋之前小儀專訪內容，以假亂真，變成45歲小儀同34歲余文樂「公開戀情」，又話樂仔講過「大家都認識咗好多年，常常都見面，都很了解對方，當初都沒想過會這樣，不過可能真的見得太多，覺得對方越來越好，所以就一齊了」，又話「我希望大家唔好將她和我之前的女友比較，我好欣賞佢，煮得一手好菜，是我想要的對象」。嘩嘩嘩…真唔真……講到似層層咁，呢單傳聞講到咁真，就連樂仔阿媽都信以為真!?樂仔今日喺Instagram先貼出o嘴自拍相，見樂仔仲瞓喺床上，寫道：「「今天早上起來，竟然收到很多朋友的訊息，一打開發現全都是問我同樣的問題!!!就連我媽都打來問我，我第一個感覺就是(笑)，只能說我真的年紀開始大了，大家真的很擔心我感情沒有著落!!!小儀如果我過幾年都找不到對象的話，我們就真的在一起吧!!!!」似乎係畀朋友致電嘈醒咗，認真慘!小儀今早如常為電台節目《早霸王》開咪，為森美替更做主持嘅火火，火火問小儀如果樂仔真係鍾意佢，真係約小儀得唔得!?小儀直言同余文樂識，不過唔可以話friend，小儀仲爆連森美都喺早霸王whatsapp群組認真問小儀呢單緋聞係唔係真，小儀又笑住講會考慮同樂仔發展，讚樂仔幾吸引，唔介意同對方搵佢。
|
鍾意就快D Share啦！
|
|
|
