一句「16年喇」震撼咗萬千網民個心！講緊就係尋晚喺《TVB馬來西亞星光薈萃頒獎典禮2016》奪得「最喜愛TVB飛躍進步男藝員」嘅張頴康！佢段感言真係搞到小編都濕晒！）相關新聞： https://goo.gl/ULQKHy ）唔好話16年，10年都唔易呢個「夢」可以發咁耐，就係要「枕邊人」知道你喺夢中追尋緊理想，唔去打擾你，冇去叫「醒」你！所以張頴康攞到獎第一時間就係發表愛的宣言－多謝老婆麥雅緻！
文武雙全
34歲嘅張頴康加入無綫之前，其實拍過電影㗎，仲有過床上戲𠻹！當年嘅佢原來非常青靚白淨，為咗電影仲習埋武，打起上嚟有板有眼！唔止「武」得，原來佢「文」都得，佢曾經喺公開場合拎住支結他自彈自唱，都咪話唔冧死女！
終於入屋
入咗無綫後，佢一直都係做三、四線角色，唔算特別起眼（順帶一提，其實佢曾經為《四葉草II》試鏡㗎）！不過，就係因為冇放棄終於捱出頭來，成功入屋！就好似近期劇集《回到三國》中飾演傻頭傻腦嘅范根、《師父·明白了》中飾演冷酷殺手「江太平」、《愛我請留言》中飾演何志安，佢細膩嘅演技均受到不少觀眾嘅讚賞！
《老友記》成事業高峰
而當中將佢事業推上高峰嘅一定係《一屋老友記》，佢寶愉（三寶）一角成功引起網民關注，網民都覺得佢有演技，好多角色都演得恰到好處，但就係差咁啲機會囉！不過喺拍攝《老友記》期間，佢皮膚出現問題，因為壓力而有牛皮癬，又甩頭髮甩頭皮，但佢唔想拖慢進度，都繼續挨埋落去，所以都咪話唔辛苦！
自小缺乏母愛
除咗佢嘅演藝路唔易行，佢嘅身世都好令人同情！原來佢自小就被母親離棄，佢媽媽喺佢四歲就離開咗佢，自小缺乏母愛，但張頴康冇嬲對方，仲盼望媽媽生活安好，而佢都一直保存惟一嘅合照，希望有一日可以重逢！雖然未知呢日幾時來臨，不過幸好佢娶咗個好老婆，仲有囡囡喺佢身邊支持佢，等佢一直可以「發夢」，而呢個「夢」亦終於成真，但係相信佢會堅持繼續做「夢中人」，而大家都想佢繼續發個好夢！
網民有話兒：
TiX CXX：佢做得好好，要比（畀）佢上位。
PXXXX：一早就應該喺佢拎囉！
陳XX：佢好慘囉，父母又離棄佢，事業又麻麻。
JXXXX：佢同老婆好SWEET呀，個女又cute。
AXX CXX：有個好老婆，好羨慕呀！
__________________________
想聽歌？想睇MTV？想了解本地Indie Band資訊
快啲click入「聲大夾樂」專頁： http://on.cc/musicon
|
鍾意就快D Share啦！
|
|
|
