網頁

請重新LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2017年1月24日 星期二

【獨家】吳若希被揭兩年前豪宅合照 曾指同王弼燮唔熟 __,吳若希,王弼燮,

吳若希(Jinny)為澳門闊少男友何兆鴻(Alex)未婚大肚,兩人有共識囡囡出世後就結婚,傳過N段緋聞嘅Jinny終於搵到真命天子,早前兩人仲喺社交網耍花槍,Jinny狂剷完男友一輪,最後對Alex講love大團圓,認真sweet!不過,喺呢個咁幸福moment,有人為Jinny嘅緋聞翻舊賬,《蘋果》收到一張Jinny為陳淑蘭舊愛、有股壇狙擊手之稱嘅王弼燮慶生照,相中佢哋好似「黐頭芒」咁,然而,問 ...




其他影片:>>






吳若希(Jinny)為澳門闊少男友何兆鴻(Alex)未婚大肚,兩人有共識囡囡出世後就結婚,傳過N段緋聞嘅Jinny終於搵到真命天子,早前兩人仲喺社交網耍花槍,Jinny狂剷完男友一輪,最後對Alex講love大團圓,認真sweet!不過,喺呢個咁幸福moment,有人為Jinny嘅緋聞翻舊賬,《蘋果》收到一張Jinny為陳淑蘭舊愛、有股壇狙擊手之稱嘅王弼燮慶生照,相中佢哋好似「黐頭芒」咁,然而,問題係Jinny曾經講過同王弼燮唔太熟!據知情人士表示,呢張相攝於兩年前,地點係王弼燮嘅豪宅屋企。壽星公雙手捧住生日蛋糕,呢個蛋糕睇嚟得1磅,只夠佢哋兩人分甘同味!而化行妝嘅Jinny笑到好燦爛,仲幾乎胸壓到王弼燮㖭!睇角度應該係Jinny用手機自拍。喺Jinny未同Alex拍拖之前,傳過佢同幾位有米叔叔情非泛泛,其中一位就係現年59歲嘅王弼燮,年齡足足相距35年嘅Jinny同王弼燮前年傳出搞忘年戀,當時Jinny否認戀情,只承認見過兩、三次,但唔太熟,每次都係一班朋友食飯,仲話同對方說話唔超過十句。(新聞連結: http://bit.ly/2kiTAyu )原來Jinny口中嘅「唔係好熟」,都可以應邀去對方嘅豪宅,為對方慶祝生日過二人世界!不過,呢啲已經係兩年前嘅事,相信憑Jinny嘅條件,又點會冇裙下之臣呢?之前Alex都被爆有舊愛Toby啦,以前嘅嘢已經一筆勾消,o依家嘅Jinny好幸福等做人妻!對於被踢爆同王弼燮嘅關係,《蘋果》向Jinny了解,佢透過短訊回覆:「咁人哋生日唔通唔影咩?唔熟唔係唔識吖嘛!」爆料者話二人世界慶祝,Jinny否認:「冇可能,成班人食飯點會得我同佢慶祝?同埋佢啲公司同事一齊嘅,佢秘書仲同我一齊坐。」至於曾被指為王弼燮嘅真命天女岑日珈,咁啱Jinny係佢嘅前師姐,王弼燮就係佢現任老闆,岑日珈去年忽然富貴,搬入4千呎連泳池嘅獨立屋,又收到公司送嘅自訂車牌「Angie BB」,因而同老闆王弼燮傳緋聞。問佢有冇去過老闆屋企慶祝生日,同有冇見過Jinny?岑日珈喺電話表示:「我梗係唔係真命天女我冇去過老闆屋企喎,之前有幫老闆搞過生日,成班同事出去訂地方慶祝,唔會去佢屋企。我同Jinny好少聯絡,私底下唔會見面。」喺岑日珈個Instagram度,發現佢有貼上幫王弼燮慶生嘅相。

吳若希被揭兩年前同王弼燮喺豪宅合照 o依家有澳門闊少男友何兆鴻,仲做埋媽媽
被指係王弼燮嘅真命天女岑日珈

來源 source: http://s.nextmedia.com
鍾意就快D Share啦!


Related Posts Plugin for WordPress, Blogger...