吳若希同岑日珈先後同有股壇狙擊手之稱嘅王弼燮傳緋聞，亦先後被指「忽然變富貴」，其實圈中有唔少藝人（尤其係女星）都曾經被指忽然變得富貴，到底大家啲錢係喺邊度嚟？過兩招嚟好喎……楊思琦
圈中著名「慳妹」楊思琦，幾年前錯愛空心吳帥，未婚生女，佢要孭起頭家仲母兼父職，真係搵少個崩都過唔到日！不過，思琦慳到盡，都係慳自己，照安排囡囡讀名牌playgroup同幼稚園，而買餸都要慳住使嘅佢喺前年被揭低調買咗兩個天晉單位（當時價值逾2,000萬），又連換兩車兼請司機，隨即傳出佢秘交有「90年代股壇資深大炒家」之稱嘅富商高健行，思琦妹否認，有指佢喺2014年離開大台後，密密北上登台搵「人仔」，加上佢早年買落啲「磚頭」（物業）錢滾錢，所以致富。傅嘉莉
近日喺大台劇《財神駕到》中擔正嘅傅嘉莉，屢次被指忽然富貴，好似舊年8月被《蘋果》揭佢住嘅月租6萬嘅南灣豪宅，至於佢啲「對象」，大都係富商人夫，大前年曾被《蘋果》影到與新加坡富商於的士車廂攬啜後，又被揭與法拉利香港代理商人莊天龍蜜遊米蘭，當然，佢例牌否認緋聞。不過，以傅嘉莉過往名氣同曝光率都唔係太高嘅情況下，可以入住豪宅，仲被揭佢睇中同區一個800幾呎、價值近2,000萬嘅單位，冇番咁上下財力，都真係得個睇字……朱晨麗
2011年度港姐冠軍朱晨麗，前年被揭月薪僅得15,000蚊，但佢出入有司機七人車接送，全身名牌，仲試過坐頭等機位歐遊，而且又由將軍澳寓所搬到當時月租15萬嘅金鐘太古廣場栢舍服務式住宅，又用700萬購入將軍澳The Parkside，真心富貴！有指佢由「麻雀變鳳凰」，全靠泊到「殼王」陳國強碼頭，舊年另傳佢同張玉珊百億舊愛劉紀明有戀事，所以變得富貴，仲喺淺水灣開畫廊，但朱晨麗舊年回應傳媒時避談戀事，而且佢介意被人話忽然富貴，仲試過因此而匿埋喊。陳靜（DaDa）
百果園 E神陳靜（DaDa）於08年拍廣告人氣急升，出道1年幾已經可以由同家人逼住屯門500呎單位，跳到尖沙嘴租住豪宅，有消息指佢同年仲買入泓景臺700呎單位，雖然早幾年曾經單方面宣佈息影，其後離奇復出，到舊年就有指佢暗交大陸首富王健林兒子王思聰，加上DaDa又秘密搬竇、又連開兩童裝店「升呢」做老闆娘，佢條水喉，真係估唔到有幾長同大……
|
鍾意就快D Share啦！
|
|
|