2017年3月31日 星期五

吳綺莉崩潰:我只係想佢返屋企 __,吳綺莉,

吳綺莉昨晚舉行記者會,期間更崩潰爆喊。
吳綺莉崩潰:我只係想佢返屋企連日潛水的吳綺莉女兒吳卓林昨日突然揚言離港,一直想二人關係冰釋的吳綺莉收到消息後在昨晚舉行記者會,終於壓力爆煲的她更崩潰哭 ...


吳綺莉崩潰:我只係想佢返屋企

連日潛水的吳綺莉女兒吳卓林昨日突然揚言離港,一直想二人關係冰釋的吳綺莉收到消息後在昨晚舉行記者會,終於壓力爆煲的她更崩潰哭訴:「我只係想佢返屋企咋!」幾度灑淚的她更苦求各界可對她施予援手,讓她好好解決問題:「我冇乜屋企人,淨係得個女!」令人非常心酸。

44歲的前亞姐冠軍吳綺莉(Elaine)前年曾涉嫌虐待女兒「小龍女」吳卓林而被捕,雖然最後二人冰釋前嫌,但事隔兩年吳綺莉又因女兒交友問題而與對方再起衝突,卓林更於上周四(23日)報警,吳綺莉因涉嫌刑事恐嚇而遭警方扣查。吳綺莉保釋後一時向傳媒稱有與女兒聯絡,一時又稱沒有,令外界非常擔心卓林下落,而卓林自事件發生後都未有現身,至昨午才在社交網上蒲頭,指自己壓力爆煲,會出埠散心:「我將會明日離港,對於『關心』我的朋友要知道,我仍然活着。」

有組織經濟援助

而昨晚七點二十分,收到女兒將離港消息的吳綺莉便由好友及議員梁耀忠陪同下在葵涌召開記者會,回應近日事件。最近有指吳綺莉與女兒現時居住的大坑寓所,是由卓林生父成龍的兒子房祖名豪擲千五萬送給卓林作補償。替吳綺莉出頭的梁耀忠直指報道不公道,亦指對她造成好大傷害,希望透過記者會澄清。

吳卓林與母親吳綺莉的關係近日起波瀾,引起外界關注。
  • 吳卓林與母親吳綺莉的關係近日起波瀾,引起外界關注。
吳綺莉傷心憔悴,不時抹淚。
  • 吳綺莉傷心憔悴,不時抹淚。
  • 放大圖片

記者會上,一直眼濕濕、面容憔悴的吳綺莉否認寓所由他人所贈。她亦希望社工可以盡快介入,解決自己與女兒之間的問題:「佢就嚟18歲,如果依家唔處理,我之後就處理唔到,我唔係有咩病,呢一刻係情緒唔係特別開心。」

吳綺莉向記者合十致意。
  • 吳綺莉向記者合十致意。
吳綺莉在議員梁耀忠陪同下開記者會。
  • 吳綺莉在議員梁耀忠陪同下開記者會。

而現場其好友亦透露一度有一個佛教組織向她提供經濟援助:「叫佢畫一個畫冊,吳綺莉就簽合同,每月拎3萬,做咗12個月,但佢交唔到任何畫都照出。」

問吳綺莉有甚麼想隔空跟女兒說時,她即時強忍眼淚說不出話,經友人安慰後,壓力爆煲的她隨即爆喊謂:「我只係想佢返屋企咋!同所有阿媽都一樣,有乜嘢都可以喺屋企……係囉!」之後續說:「我依家真係唔係情緒有問題,係屋企有問題,個女有問題,畀啲空間我等我搞好自己屋企先!」問現時有否飲酒?她否認有酗酒習慣:「如果我屋企好多酒,唔使去便利店買一支酒囉!有朋友嚟我去買一支白酒,屋企有好多酒,絕對唔使買一支。」

「我淨係得個女」

提到卓林即將離港,她即謂:「應該係!(有沒有聯絡卓林?)我朋友有聯絡佢。(係咪打畀佢唔聽?)唔係,小朋友已經18歲,同以前唔同,唔係可以好了解,希望大家幫吓我,望大家明白我壓力大,小朋友係我個女,唔好再等我,畀啲空間我處理屋企問題,我唔想好似大龍鳳咁,大家由細睇到我大,今次件事對我嚟講係好大挑戰,我相信所有問題可以解決到,我冇乜屋企人,淨係得個女……」語畢,她又繼續淚如雨下,幾度要用紙巾拭淚,令人心酸!而記者會至晚上七點五十分結束,吳綺莉在好友陪同下離開現場並前往對方寓所。

文:影視組


鍾意就快D Share啦!
Related Posts Plugin for WordPress, Blogger...