1999年11月10日，成龍拋下一句金句，震驚全宇宙。成龍話：「我做錯全世界好多男人都會做錯咗嘅嘢」。
99年2月，成龍同吳綺莉傳出緋聞，兩人均矢口否認，又話關係只如兄妹。當時《蘋果》拍得成龍送吳綺莉返回舊山頂道的寓所；事後問兩人是否拍拖？成龍謂：「0依家啲報館嘅採訪手法似乎有啲問題，成日搵狗仔隊跟明星，其實外國都有好多狗仔隊，但唔同香港嗰啲，人哋外國狗仔隊會證實咗先寫，但香港就係『屈字堆』。我哋香港嘅電影界同報界應該要團結，惡性競爭先會令到生靈塗炭。」同年10月，驚爆吳綺莉懷孕四個月，當時成龍笑笑口謂：「做乜問我啫！」記者再問：「有消息話吳綺莉大肚，傳嗰位武打明星係你喎？」成龍謂：「係咩？我都唔知點解。佢（指吳綺莉）都冇話係我。唉，係咩？是但啦，你鍾意點寫就點寫啦。嘿！好吖，我終於可以打低鄭伊健，成為頭條」成龍講完呢番話不足一星期，腹大便便的吳綺莉接受鄭裕玲主持的《全線大搜查》獨家訪問，問及成龍是否BB經手人，吳點點頭，單方面承認腹中塊肉是成龍的骨肉，而向來經歷慣風浪的成龍大哥，當時身在日本，對傳媒左閃右避，手足無措。同年11月10日，成龍於機場富豪酒店舉行記者會，笑容滿面高舉招牌「V」字勝利手勢，走勻全場，俾傳媒拍照5分鐘，態度合作，然後開始其為時約12分鐘的自白。成龍於訪問時，承認自己做錯咗一件全世界好多男人都會做錯嘅事，並聲稱自己係一時貪玩，更揚言如果BB係佢，佢一定會負責。今日翁靜晶於記招上，代好友吳綺莉證實成龍走數。(新聞連結： http://bit.ly/2oeXFFY )更語帶雙關斥成龍「冇腰骨」。(新聞連結： http://bit.ly/2ocytjd )
|
鍾意就快D Share啦！
|
|
|
