朱咪咪、馬海倫都好擔心Joe Junior。
藝人薛家燕、馬海倫、朱咪咪、曹永廉及鄧兆尊等，今晚雲集電視城錄影《流行經典50年》。原本Joe Junior亦有扮參與節目演出，惟突然傳出身體不適而缺席，有指他因心臟問題入住醫院深切治療部，程況令人憂心，與他私交甚篤的馬海倫、朱咪咪及薛家燕錄影期間圍着竊竊討論，顯得相當擔心！節目監制賴偉棠表示昨晚深夜接獲Joe太太通知，知道Joe心臟有少許問題：「佢太太覺得唔好意思，但我覺得要以佢嘅健康為前題，我哋係銻影節目可以剪接及調配嘅，希望佢盡快康復。」
朱咪咪感同身受
朱咪咪則表示接獲醫生友人短訊，得知Joe目前情況：「佢應該要通波仔，但未通之前用藥出現唔係幾好嘅反應，醫生叮囑佢要暫停兩、三個月嘅工作。我感同身受，事關2013年我試過類似情形，喺香港睇醫生話我75%塞咗，但去到新加坡做通波仔，插咗管入去，醫生話只係塞咗25%，真係通得唔抵，依家我有事就會搵多兩個醫生check清楚先。」馬海倫表示十餘歲便認識Joe，會於節目錄影後致電其家人了解及探病。
曹永廉擔心眼疾影響工作
薛家聞得Joe情況，即憂心表示：「咁大家真係要記得做身體檢查，工作唔好過勞，要適可而止。我哋一齊幫Joe祈禱，希望佢早日康復。」曹永廉則表示不清楚Joe的實質情況，但印象中對方一向身體健康及喜歡做運動，談到自己的眼疾，阿廉謂：「做完手術好好多，最驚係影響嚟緊劇集拍攝工作啫。（睇到唔應該睇嘅嘢？）可能係我啲化妝掃唔乾淨，平時懶清潔，而家要注意多啲。」
來源 source: http://hk.on.cc
|
鍾意就快D Share啦！
|
|
|
