不幸事接踵發生，令人傷感。
擅演反派的知名動作演員高飛突傳離世，據其兒子Jimmy透露，父親高飛因前列腺癌病逝，終年65歲。
高飛除是演員外更是導演、動作指導、監製、出品人，絕對稱得上是電影全材，病逝消息令人哀痛，就此事向其兒子Jimmy查詢，他泣不成聲表示：「前日爸爸突然好唔舒服，送咗入醫院，之後就走咗，早年幾前爸爸驗到有前列腺癌，當時爸爸講得好輕鬆話一定醫得好，最近先知已經去到末期，兩年前我自己中咗風，媽咪又過咗身，可能因為咁，所以爸爸隱瞞病情，唔想我擔心。」
問及高飛生前有甚麼遺願？Jimmy表示：「爸爸教過一隊足球隊『國際聯盟』，佢一直都好想教番，我中咗風之後，佢心願就想我快啲康復，我知道爸爸一直都想復出再做導演，（爸爸身後事安排好未？）我自己中咗風都唔方便，爸爸嘅身後事交畀姑姐處理。」據知高飛暫停工作超過十年，Jimmy亦因中風要休養未有工作，故其家庭經濟狀況不太理想。
來源 source: http://hk.on.cc
|
鍾意就快D Share啦！
|
|
|
