2017年5月16日 星期二

【被洗米華愛將力追】洪永城愁爆箍煲 唐詩詠風騷夜蒲 __,洗米華,周焯華,唐詩詠,洪永城,

洗米華愛將盧啟邦(左)資料圖片36歲唐詩詠喺大台劇《不懂撒嬌的女人》遇上「不婚男」Saving哥,現實中就遇上「大唔透」嘅洪永城,近日有傳唐詩詠同洪永 ...


洗米華愛將盧啟邦(左)資料圖片

36歲唐詩詠喺大台劇《不懂撒嬌的女人》遇上「不婚男」Saving哥,現實中就遇上「大唔透」嘅洪永城,近日有傳唐詩詠同洪永城處於冷戰mode,唐詩詠呢位「最佳女友」平時講起洪永城即笑得甜絲絲,不過噚日出席活動,唐詩詠點頭認受情困(新聞連結:http://bit.ly/2pOksVD),希望大家畀啲空間。二人拍拖兩年半,屢傳婚訊,今日有周刊指,男方拍拖咁耐,一直冇求婚,加上唐詩詠嘅性格比較「世界女」,對人處事好得體,而洪永城則直腸直肚,得罪人多,性格唔太夾,種種原因,令唐詩詠對洪永城心淡,有指佢近日被周焯華(洗米華)愛將盧啟邦(Andrew)力追,日前Andrew先透過友人約唐詩詠出席飯局,擺明想撬走唐詩詠。報道又指,洪永城同唐詩詠陷入分手邊緣,除咗努力箍煲,一支公出去嗰時,個樣愁眉深鎖,全程望住部手機,不時打字同發語音訊息,未知係唔係同唐詩詠傾緊,跟手去咗一間健身室做gym操咗成粒鐘,之後約咗兩友人食飯,最後洪永城返咗唐詩詠位於將軍澳香閨。不過唐詩詠就睇得好開,日前仲約咗一班朋友去中環夜蒲,去咗2間樓上吧,不知幾風騷,成程笑晒同友人傾偈,唔似為感情事唔開心噃!


來源 source: http://s.nextmedia.com
鍾意就快D Share啦!
Related Posts Plugin for WordPress, Blogger...