2017年7月27日 星期四

幫囡囡買衫 梁烈唯搵外母教路 [壹週刊 - 1429] __,梁烈唯,M1,

睇中乜嘢,唯唯同外母有商有量。同你吟一吟幫囡囡買衫 梁烈唯搵外母教路單睇外表,可能你估唔到梁烈唯係咁專一,同應采兒助手Tina愛情長跑11年,14年終 ...


睇中乜嘢,唯唯同外母有商有量。

同你吟一吟

幫囡囡買衫 梁烈唯搵外母教路

單睇外表,可能你估唔到梁烈唯係咁專一,同應采兒助手 Tina愛情長跑 11年, 14年終於拉埋天窗,今年初仲做埋爸爸,囡囡 Karina真係好得意,唯唯不時在社交平台分享同囡囡互動嘅相。

呢日,新手爸爸湊住囡囡去利園商場睇 BB衫同用品,仲同埋外母同行,唯唯推住架 BB車同外母好好傾,見佢兩個入咗間鋪頭睇咗一陣,似乎唔多滿意,就過咗隔籬大啲嘅鋪,睇每樣嘢,唯唯都問吓身旁外母意見,唔會自把自為。

梗係,之前已經有講唯唯當年喺 TVB被投閒置散,女友 Tina對佢不離不棄好支持,有段時間唯唯仲搬咗入女友屋企住,同外母關係一直唔錯。

唯唯經常同寶貝女自拍!

老婆開工,唯唯湊埋囡囡陪外母行街,其間唯唯對孭帶最有興趣,搵外母一齊研究。

阿爸同婆婆專注 shopping,囡囡就乖乖坐在 BB車內。

14年在洲際酒店擺酒娶應采兒助手 Tina!

Karina肥嘟嘟好得意,難怪令爸爸咁冧!

梁烈唯本月 19日駕車被撞搞到拉傷頸同腰,幸好,入院照 X光無大礙已即時出院。

撰文:八珍

攝影、攝錄:蕭敬漁、陳亦龍、楊紫、李玄


鍾意就快D Share啦!
Related Posts Plugin for WordPress, Blogger...