掃呢頁CODE去手機

2017年7月27日 星期四

【獨家】「認字特警」李天翔拍拖5年 入紙娶富貴女友 __,李天翔,

「認字特警」可以係萬能cap圖,上網見人打錯字就貼出嚟盡情恥笑。「認字特警」都可以係兒童節目《閃電傳真機》嘅角色,佢每次出場,都拎住張幾奇幻嘅「認字特 ...


「認字特警」可以係萬能cap圖,上網見人打錯字就貼出嚟盡情恥笑。「認字特警」都可以係兒童節目《閃電傳真機》嘅角色,佢每次出場,都拎住張幾奇幻嘅「認字特警證」,擺出一個幾搶風頭嘅pose,大叫「我係認字唔認人嘅認字特警。小心俾我捉字!」「認字特警」亦係李天翔嘅代表作。97年起喺擔任《閃電傳真機》主持嘅李天翔,之後做過《K-100》主持,又轉型成功有得拍劇,曾經有過一段「李天翔現象」,由早到晚都見到佢嘅身影,同時俾大台定型,做咗「御用強姦犯」。嚟緊李天翔會多個身份喇,《蘋果》噚日發現今年41歲嘅李天翔(原名李志偉)同未婚妻譚寶怡已經入紙註冊,好快成為人夫,李天翔接受電話傳媒時話:「同圈外女友拍拖5年幾,大家有共識就結婚,冇求婚,結婚都幾倉猝,但唔係奉子成婚,只係覺得咁多年都應該畀番個名份人。」上年底有雜誌報道指,李天翔女友係位富家女,平時有投資房地產,試過轉賣凱旋門一次就賺過千萬,認真犀利。

李天翔拍拖5年,佢話想俾個名份未婚妻。 (攝影:黃曉妍)
認字特警呢張Cap圖,真係好好用。 由兒童節目主持開始,都入咗行廿年。

來源 source: http://s.nextmedia.com
鍾意就快D Share啦!