2017年7月27日 星期四

【拍拖3年】蕭正楠同翠如BB八月結婚 出年補擺酒? __,翠如,蕭正楠,正楠,黃翠如,

【新增內容】40歲蕭正楠同35歲黃翠如拍拖3年,感情穩定,一直傳係翠如BB事業心重,未想咁快結婚,反而蕭正楠有意拉埋天窗,今日有周刊指,二人將會喺下個 ...


【新增內容】

40歲蕭正楠同35歲黃翠如拍拖3年,感情穩定,一直傳係翠如BB事業心重,未想咁快結婚,反而蕭正楠有意拉埋天窗,今日有周刊指,二人將會喺下個月向大台拎大假,去外地註冊,出年先補擺酒,伴郎搵咗曹永廉、伴娘就係唐詩詠,有指佢哋都想生小朋友,又話翠如BB最想係同男友環遊世界。據周刊報道指,之前蕭正楠同翠如BB一齊去咗日本旅行,原來係蕭正楠想俾翠如驚喜,月初喺橫店拍完《深宮計》,神秘出發去東京,見拍緊大台旅行節目嘅翠如,不過有友人事前話咗俾翠如知,嗰日翠如又未使埋位開工,翠如就去咗接機,去完東京再飛北海道,除咗晒恩愛,佢哋都有喺將軍澳搵三房單位築愛巢,之但係暫時未搵到啱心水,上周四蕭正楠出席完大台《深》嘅煞科宴,去到晚上11點,蕭正楠飲咗啲酒,搵咗翠如BB揸車接佢返現居嘅華景山莊。翠如BB回應傳媒就話:「我都係睇雜誌先知我們有咁多計劃,多謝關心呀~我想我們都是很隨意的人,太多的計劃不太適合我們~多謝比我們更緊張的人。」有翠如身邊人透露,其實翠如同蕭正楠兩個都好忙,開始拍拖嘅時候,都係劇接劇,冇停過,所以佢哋真係冇時間傾過結婚呢個話題。加上翠如為人率性隨心,冇預設乜嘢人生計劃,亦唔想俾咁多計劃限制自己,依家佢覺得同蕭正楠相處好舒服,雖然各有各忙,但係好珍惜大家相處每一刻。


來源 source: http://s.nextmedia.com
鍾意就快D Share啦!
Related Posts Plugin for WordPress, Blogger...