2017年7月5日 星期三

【獨家】8歲餅印「小小小超」見真身!梁洛施帶仔走鬼避風頭 __,小小超,梁洛施,李澤楷,

啱啱過咗29歲生日嘅梁洛施(Isabella),雖然佢嘅外表同同齡嘅女仔冇乜唔同,但係佢嘅人生就認真與別不同,自從佢喺09年同城中超級王老五李澤楷生咗 ...


啱啱過咗29歲生日嘅梁洛施(Isabella),雖然佢嘅外表同同齡嘅女仔冇乜唔同,但係佢嘅人生就認真與別不同,自從佢喺09年同城中超級王老五李澤楷生咗大仔長治,跟住再喺10年生咗一對孖仔H&N,即刻成為城中熱話,不過呢段感情最終都冇開花結果,喺11年佢哋共同發聲明宣佈分手,三個囝囝將一齊權養。回復單身嘅Isabella,主力照顧三個仔,其間曾經短暫復出拍戲兼做舞台劇。(新聞連結: http://bit.ly/2oLTe2S )唔經唔覺,大仔長治今年已經8歲,孖仔都已經7歲,為咗可以喺正常嘅環境下生活,佢哋一直定居喺加拿大生活,不過早前有周刊報道話,爺爺李嘉誠下令一年要見孫仔兩次,但為免俾人認出,所以唔會喺大時大節先返嚟,而且喺機場出入都會有保鑣辦手續,亦會由職員通道入閘,盡量避免行踪兼樣貌曝光。其實喺今年5月,曾經有讀者透過《蘋果》嘅「爆相爆片」,喺圓方見到Isabella一個人喺度買外賣,不過嗰陣身邊見唔到佢嗰3個囝囝,亦唔見有任何保鑣,急急腳咁買完外賣就離開。( 新聞連結:http://bit.ly/2tMmsnR )日前《蘋果》又見到Isabella,睇嚟佢返香港嘅時間都好密,不過今次唔係得佢一個,同行嘅仲有爹哋同一個餅印嘅大仔長治。嗰日大約12點鐘左右,Isabella同大仔長治喺陽明山莊嘆茶,本來同行嘅仲有一對孖仔H&N同埋梁媽媽,為咗唔俾人發現,佢哋選擇一張角落嘅枱,Isabella同長治亦選擇面向望牆嘅位置而坐,不過食咗冇耐,梁媽媽同H&N先行離開,得番Isabella同長治繼續飲。大約到咗1時15分,Isabella同長治離開酒樓,去咗門口等車,但係嗰陣唔見佢哋兩母子身邊有任何保鑣出現,唔知係咪呢個原因,Isabella嘅警覺性比平時高,不時周圍望,好快就發現有傳媒喺現場影相,Isabella即刻用身體檔住鏡頭,唔俾長治入鏡。同爹哋成一個餅印嘅長治,雖然已經去到媽咪心口咁高,不過仲好癡身,經常要攬實媽咪,搞到Isabella一方面要o氹阿仔,另一方面又要擋鏡頭,所以睇落有啲尷尬!之後有住客通知保安發現有人影相,一度報警,Isabella喺傳媒同保安擾攘緊嘅時候,發現架車仲未嚟到,最後佢為咗長治,走番入去大堂繼續等車。

日前Isabella同大仔長治喺陽明山莊嘆茶。
阿仔對住媽咪個樣都好癡纏。 等咗好耐都未見司機出現。
梁洛施警覺性好高,好快發現鏡頭。 梁洛施用身擋住鏡頭,唔想阿仔個樣曝光。 阿仔表現得好好奇。
為咗唔想再俾人影相,佢哋決定返大堂等。

來源 source: http://s.nextmedia.com
鍾意就快D Share啦!
Related Posts Plugin for WordPress, Blogger...