2017年7月5日 星期三

疑遭非禮 譚嘉儀勁無奈:好唔開心 __,譚嘉儀,周嘉儀,嘉儀,

真係慘慘豬。主唱的電視劇《不懂撒嬌的女人》插曲《陪着你走》而爆紅的星夢娛樂歌手譚嘉儀(Kayee),昨晚在旺角Busking時,懷疑被南亞裔男士非禮, ...


真係慘慘豬。

主唱的電視劇《不懂撒嬌的女人》插曲《陪着你走》而爆紅的星夢娛樂歌手譚嘉儀(Kayee),昨晚在旺角Busking時,懷疑被南亞裔男士非禮,事件交由警方處理。

就此事向Kayee查詢,她表示:「表演嘅時候一直都冇事,之後揀咗個唔係好逼好多人嘅地方做訪問,期間覺得有人摸我,我擰轉頭就見到個南亞裔男士,我即刻同工作人員講,佢哋上前截停南亞裔男士同佢理論,但係佢扮傻扮唔知,最後惟有報警。我其實唔係要求啲乜嘢,只係要佢知道自己錯道歉,但係佢態度好強硬唔認,最嬲係仲話我退後一步撞到佢,(落咗口供未?)我仲有嘢要做,要今晚(5號)先至去落口供。」

對於發生不愉快事件,Kayee表示之前亦有發生過:「我相信唔少女性都有類似經歷,我搭巴士都試過唔止一次被人摸,但當時得自己一個,感覺好驚所以冇出聲,之後會好唔開心同激氣。但係今次有咁多工作人員陪同都發生好無奈,所以即刻搵出聲同工作人員幫手,雖然報警用咗好多時間,但係希望經過今次,可以令到呢啲人知道唔好再蝦女仔。」


來源 source: http://hk.on.cc
鍾意就快D Share啦!
Related Posts Plugin for WordPress, Blogger...