掃呢頁CODE去手機

2017年8月17日 星期四

同松岡攬出火  Mandy離家出走要分手 洗米華愛的紋身氹番 [壹週刊 - 1432] __,松岡,洗米華,Mandy Lieu,Mandy,周焯華,松岡李那,M1,

Mandy同洗米華上月在英國出席朋友的婚禮,本刊在Ig搵到一些婚禮中相片,其中一張洗米華肉緊啜實Mandy面珠。娛頭同松岡攬出火 Mandy離家出走要 ...


Mandy同洗米華上月在英國出席朋友的婚禮,本刊在 Ig搵到一些婚禮中相片,其中一張洗米華肉緊啜實 Mandy面珠。

娛頭

同松岡攬出火  Mandy離家出走要分手 洗米華愛的紋身氹番

因為洗米華(周焯華)在夏威夷一攬㗎妹松岡李那,令到身在英國湊仔的 Mandy嬲到震,據知 Mandy即時向洗米華提出分手,更帶埋仔女搬離寓所,而知道事態嚴重的洗米華更急飛倫敦搵 Mandy解釋。

所以洗米華破例就緋聞發表聲明,同松岡劃清界線,希望氹番 Mandy,為表示只愛 Mandy一人,洗米華更走去紋身,在左手手臂內側紋了「 I will honour and love You Forever」下款就紋了 M.W, M就好明顯代表 Mandy, W就代表 Wah(華),洗米華喺身上寫到明尊重同愛你到永遠,做到咁 Mandy當堂冧晒。

急飛倫敦解釋

洗米華(周焯華)因為六月在夏威夷出席台灣女星安以軒婚禮,醉攬㗎妹 model松岡李那影片流出,結果令到身在英國的 Mandy Lieu嬲到震,更有傳 Mandy透過 WhatsApp鬧爆松岡。

據知, Mandy並沒有向松岡做過任何動作,不過 Mandy的確因為這件事大動肝火,更向洗米華提出分手,而洗米華就在報導出街即飛到倫敦搵 Mandy解釋,但 Mandy已經嬲到帶埋兩個仔女離家出走,洗米華去到摸門釘。

「華哥(洗米華)未見過 Mandy咁嬲,講分手之餘仲帶埋啲小朋友走晒,之後華哥走去搵 Mandy喺英國啲 friend,佢哋都話唔知 Mandy去咗邊,電話又唔聽,擺明有心避佢,華哥於是返番澳門先,佢先知今次事態嚴重,同埋原來唔可以失去 Mandy。」知情者透露。

另外一些相是 Mandy做姊妹,與新娘的合照。

從相中清楚睇到洗米華左手臂內側,紋了「 I will honor and love you forever」,下款就是 Mandy( M)同洗米華( W)名字的縮寫。

幾年前鄭中基幫洗米華影過一張赤膊打波相,當時他仍未有這個愛的紋身。

因為俾洗米華一攬,松岡李那即時變成新聞人物。

承諾永遠愛你

洗米華去完英國氹掂 Mandy,一回港就搵律師,罕有發聲明同松岡劃清界線。

為了要氹番 Mandy,估唔到平時又 man又 cool的澳門猛人洗米華,竟然忽然玩浪漫,走咗去紋身,在左手手臂內側紋了「 I will honour and love You Forever」,意思是我會永遠尊重同愛你,下款就紋了「 M.W」, M就是代表 Mandy,而 W就代表 Wah(華),有指紋身紋在左手手臂內側是有含意,因為該處最貼近心臟位置,代表刻骨銘心,他想顯示出 Mandy在他心目中的最愛地位,而洗米華更唔介意向朋友 show off這個愛的紋身。

當知道洗米華為自己做了一個如此實際承諾, Mandy當然冧晒兼即時心軟,終於肯見番洗米華,所以在六月十六日他即刻飛去搵 Mandy,洗米華返港後更破例為私人事發聲明,同松岡李那劃清界線,指對方只是一位異性友人,又指該報導嚴重干擾周先生及其親人的日常生活,並為他們帶來不便。而這個親人正正就是指 Mandy一家,因為 Heidi(陳慧玲)一直不太在意洗米華再同任何女人有瓜葛,洗米華出聲明的動作是為 Mandy所做。

想 Mandy返香港

「呢件事之後華哥都知唔可以失去 Mandy,之前成日諗住享齊人之福,而家會諗吓同 Mandy嘅將來,又成日叫 Mandy返香港澳門同佢一齊住,可以有多啲時間對住,佢又話會同 Heidi傾番離婚嘅事,不過 Mandy就覺得只要係愛對方,名分唔係最重要。」知情者說。

由於 Mandy要專注湊兩個小朋友,所以無得再好似之前經常陪住洗米華周圍飛去公幹,不過發生呢件事之後,洗米華去英國頻密好多,好似最近兩個月,他幾乎每星期都要去一次,有時因為要工作,只可以逗留兩日一夜,幾頻撲都照去。

8/7

7月 8日本刊又發現洗米華飛到倫敦探 Mandy三母子。

21/6

去完英國氹番掂 Mandy,洗米華在 6月 21日回港。

上年 6月洗米華去了英國陪 Mandy生 B仔,生之前還舉行了 Baby Shower Party,他們在無名指上戴上婚戒。

洗米華同 Mandy所生的女兒周願,今年已經兩歲大。

恩愛參加婚禮

上個月洗米華同 Mandy更合體一齊在英國出席朋友的婚禮,本刊在 Instagram發現到一些婚禮相片,大部分是 Mandy與新娘的合照,當中有三張是 Mandy與洗米華合照, Mandy著住白色西裝外套,再襯喱士吊帶衫同長褲,而洗米華就著住招牌黑西裝,黑白雙煞襯到絕,其中一張相洗米華手持雨傘,肉緊地啜實 Mandy面珠。

另一張合照更加火辣辣,他們都換上黑色情侶裝,與另一對情侶一齊合照,兩 pair人都攬到實嘴對嘴「打茄輪」,表現得好恩愛,戴住眼鏡的洗米華更流露住一個得戚笑容。

Mandy同洗米華換上黑色情侶裝,同一對情侶合照,兩 pair人都打住茄輪影相。

未生 BB前, Mandy經常陪住洗米華周圍飛公幹。

愛的表現

愛分好多種,紋身是其中一輩子的承諾,圈中有不少情侶為戀情留下烙印,亦同時係表達愛意,給對方一種肯定。

張繼聰 謝安琪

09年,張繼聰在音樂會上首次大晒右手上的紋身「 KJAMES」,代表謝安琪 Kay及囝囝張瞻 James,將全家人放在手臂上,冧爆謝安琪, Kay更公開大讚老公溫馨。

謝霆鋒 王菲

00年,謝霆鋒與王菲展開姊弟戀,其後二人更分別在腰背紋上相似的比翼雙飛紋身,早前,有名嘴宋祖德在微博爆二人已分手,霆鋒懶理傳聞,在社交網上貼上半裸泳照,不經意露出腰背上愛的紋身,打破分手傳言。

甄子丹 汪詩詩

一向有愛妻號之稱的甄子丹,早年,太太汪詩詩表示生完小朋友滿布橙皮紋,並向老公詐型要求他紋身,其後甄子丹於腰間就紋有一個「詩」字,來表達對太太汪詩詩的愛意,詩詩即感動到喊。

英國聚首?

自 14年生 B後, Mandy Lieu一直安居英國生活,上月洗米嫂 Heidi出席活動時表示, 14歲大女周梓潼將出發到英國讀書,屆時全家總動員赴英陪開學,而有傳早前的緋聞女友松岡李那亦會到英國出席時裝 show,周焯華被指三個女人齊集英國大團圓,但其實時裝 show一直未成事,松岡亦講過英國之行仍傾談中未落實,三女有冇得共聚都係未知之數。

據知,洗米華要求 Mandy三母子返香港居住,可以方便隨時見到,但 Mandy堅持在英國生活。

有網友影到 Mandy同洗米華在倫敦 shopping。

Heidi對洗米華的緋聞,已經毫無感覺。

撰文、攝影、攝錄:娛樂組


鍾意就快D Share啦!