係嘅，再見亦是朋友。
藝人唐詩詠（Natalie）以老闆娘身份現身銅鑼灣，為有份投資的餅店主持開幕禮，更即席示範閉上眼睛，試出蛋糕的味道。Natalie說：「今次投資咗7位數字，唔只我一個，仲有好多股東㗎！之前我去北海道學整蛋糕，我每日都落舖頭，做QC（品質監控），亦都會設計餅盒。（會送餅畀舊愛洪永城食？）會，我哋都有WhatsApp。其實我所有朋友都應該嚟捧場，我都會送畀佢哋食嘅！（黃翠如結婚，會贊助佢結婚蛋糕？）可以做個大蛋糕畀佢！（會同王浩信夾份開cafe？）未有咁快，要多啲時間，唔可以太心急。（想做商界女強人？）冇呀，其實都係機緣巧合，自己又鍾意食，咁就試吓，希望可以做得好好！（冇拖拍所以專注搞生意？）都會多咗時間嘅，係一個好好嘅Timing去做。」
Natalie坦言有諗過Rap段Freestyle，為餅店谷人氣，她說：「我有諗過，Rap番個芝士蛋糕版先！拍手機廣告嗰時，我去到先知要Rap，佢哋都有教我，我跟番個Beat，我都盡咗努力去做，可能呢個就係我個版本，最緊要大家開心！」
來源 source: http://hk.on.cc
|
鍾意就快D Share啦！
|
|
|
