貌似王祖藍嘅大陸主持金星，一講起佢就會諗起「變性」、「毒舌」，近年佢個東方衛視節目《金星秀》，因為問題夠尖銳，又敢言而大受歡迎，索媽「紫霞仙子」朱茵日前錄新一集，未播出街，已經有兩條宣傳片流出，朱茵現時同老公黃貫中擁有幸福家庭，面對主持金星「拷問」當年同周星馳拍拖嘅往事，朱茵冇刻意避談舊愛，仲爆星爺有才華，但有怪癖，唔係一個易相處嘅人，更有現場知情者講朱茵講咗好多戀情細節，仲惹得金星即場爆粗。不過暫時就冇得睇完整版，見宣傳片中，主持金星「單刀直入」問朱茵係唔係真係同周星馳拍過拖?朱茵就話：「我們拍戲的時候，是一對好的對手。」朱茵仲話星爺係有才華嘅人，不過有才華嘅人都有怪癖，唔係太易相處，要跟星爺聊天，就要知道呢個人喺呢刻嘅狀態ok先得。問到星爺心目中最完美嘅女神係唔係佢?朱茵即問非所答：「我不覺得會是我，他頭髮白，是因為他可能不想再去染頭髮，麻煩吧!」咁佢結婚嗰陣，星爺有冇送祝福?朱茵諗咗一陣，笑容有啲尷尬：「我也沒有告訴圈內很多人，沒有!沒有!」金星又指任何一個電影男導演都有一個靈感女神，金星覺得朱茵就係星爺嘅靈感女神，見朱茵一臉愕然，金星續言：「這個你一定要接受的，我們看這麼半天，就他在跟你拍戲的時候，周星馳是發光的，你也是發光的，他下邊的作品，也可以拍，但他的靈感女神沒了。」朱茵同星爺喺大家心目中可能係「最佳螢幕情侶」，不過佢哋合作過嘅作品，其實係得《逃學威龍》同《西遊記大結局之仙履奇緣》，朱茵喺1992年同星爺拍拖，發展咗3年地下情，最後因為有傳男方偷食，朱茵決定分手，兩人再見不再是朋友，令到朱茵自信心徹底崩潰，用咗約3年時間先慢慢康復，直到黃貫中嘅出現，朱茵先覺得搵到生命中嘅最愛(新聞連結：http://bit.ly/2mZ07yG)。
|
鍾意就快D Share啦！
|
|
|
