2017年10月16日 星期一

【女生宿舍去晒邊?】兩個留港兩個返大陸 陳美詩結埋婚 __,大陸,陳美詩,中國,

梁靖琪(Toby)04年同陳美詩、廖雋嘉、張曼伶組成過組合「女生宿舍」,呢個組合曇花一現,只係出道咗兩年就解散。喺呢兩年入面,四個女仔拍網劇《金甲蟲探 ...


梁靖琪(Toby)04年同陳美詩、廖雋嘉、張曼伶組成過組合「女生宿舍」,呢個組合曇花一現,只係出道咗兩年就解散。喺呢兩年入面,四個女仔拍網劇《金甲蟲探偵學院》,之後又出咗一張唱片《Life is Beautiful》,四個人又有本同名嘅寫真集,齊人嘅合作機會……係咁多。

解散之後,Toby繼續留喺娛樂圈,跟隨爸爸梁家樹同媽媽蕭笑鳴加入大台拍劇,直到上年先完約,打理婚紗店兼考埋健身教練牌。

陳美詩都留喺娛樂圈發展,一樣係加入大台,08年拍劇仲認識埋男友孫耀威,拍咗兩年拖先證實戀情。佢同老孫喺今年4月於美國註冊結婚,婚照就喺墨爾本影,等到7月先返香港行禮。

剩低兩個成員,張曼伶完全退出娛樂圈做埋人母,現時喺大陸轉型做節目主持人,陳美詩結婚都有帶埋阿女一齊觀禮。而廖雋嘉加入女生宿舍之前喺廣州星海音樂學院畢業,女生宿舍解散後返咗大陸做獨立歌手。



「女生宿舍」成立咗只係兩年,就解散咗。(資料圖片)

仲出過寫真。 Toby同爸爸媽媽一樣,去咗大台發展。 最威水係同吳鎮宇一齊拍《衝上雲霄II》。
離開咗大台就鍾意玩健身,仲考埋教練牌。(微博圖片) 陳美詩同孫耀威喺大台相識,今年仲結埋婚。()

廖雋嘉喺大陸做獨立音樂人。 張曼伶轉型做主持人,陳美詩結婚就帶埋阿女一齊去觀禮。(微博圖片)

鍾意就快D Share啦!
Related Posts Plugin for WordPress, Blogger...