洗腦歌重現？？
歌星吳若希、鄭俊弘、蔚雨芯、湯寶如、胡鴻鈞、藝員汪明荃、陳百祥、陳貝兒、莊思敏、莊思明等在尖沙咀出席《善心滿載仁愛堂》記者。
吳若希表示這次是她產後第二個大騷演出，之前演出還有點肥，現在成功修身體重50kg比生BB前還弗，她笑說：「冇刻意去減，湊BB亦唔辛苦，老爺、奶奶都會幫手，都唔知點解會瘦，可能身體好啩！」全面復出幕前的吳若希透露在節目上會獻唱無綫外購劇《那年花開月正圓》的香港主題曲，問到是否霸佔回一姐位置？吳若希否認說：「我哋冇分一唔一姐。」
冇嬲林穎彤
最近剛加入星夢當歌手的林穎彤（Bella）錯手點讚網民鬧吳若希「臭X」的惡意留言，吳若希回應時大方說：「我覺得Bella好陰功豬，佢發訊息畀我狂say sorry，擔心自己被誤會，Bella都講入行咁多年，如果係要博新聞一早就做啦。我明白嘅，我都會手誤按錯制掣，唔使放大事件，佢都好慘嚇親，我叫佢唔使驚，小事嚟。」
講到繼續被網民攻擊？吳若希坦言做這行業預了受抨擊，只要不涉及家人底線就不會嬲，她笑說：「我覺得好搞笑，同網民講要尊重我屋企人好似變咗渴求咁，其實尊重係美德，正常都需要有。」可會減少玩社交平台？吳若希笑說：「我唔擺嘢上去，佢哋又會唔開心，有啲網民唔鍾意我，但又鍾意睇我哋嘢，所以會繼續滿佢哋，其實比生BB前已經玩少咗。」
來源 source: http://hk.on.cc
|
鍾意就快D Share啦！
|
|
|
