2018年6月9日 星期六

【當笑話睇】談夫妻關係 王浩信:關係越嚟越清晰 __,王浩信,

攝影:沈健程
傳被老婆陳自瑤主動提出離婚嘅王浩信,家庭生活近日備受關注,佢日前接受港台《舊日的足跡》節目主持車淑梅訪問,回應外間嘅猜測。王浩信28歲就結婚,佢覺得上 ...


傳被老婆陳自瑤主動提出離婚嘅王浩信,家庭生活近日備受關注,佢日前接受港台《舊日的足跡》節目主持車淑梅訪問,回應外間嘅猜測。

王浩信28歲就結婚,佢覺得上天對佢不薄,得到觀眾嘅支持,家庭亦係佢最大支柱:「我曾經以為(照顧)小朋友會花好多時間,又驚唔夠錢,慶幸阿女好聰明。我又發現小朋友嘅天真可以淨化自己心中的負能量。」

佢回想起囡囡出生前一晚,緊張到成晚瞓唔着,終於喺產房第一次見到個女,已經唔記得攰:「我哋會盡力保護個兒嘅私隱,唔會公開佢嘅相,我都好少去學校接佢。個女好鼓勵我,每次都叫我加油,我同佢嘅關係唔似女,而係似朋友。」

王浩信又提到以前太專注工作,或者會忽略囡囡嘅成長:「o依家每次放假,我會爭取每日陪住佢。囡囡已經6歲,好識表達同溝通,呢段時間對我嚟講係一個彌補。」

結婚7年,王浩信多次傳出緋聞,佢同陳自瑤更多次傳出變,講到咁耐以嚟嘅傳閒,佢回應話同老婆只會當笑話睇,唔想自己嘅私生活繼續成為大家茶餘飯後嘅娛樂。問到點去提升夫妻關係?王浩信諗咗一輪後話:「溝通最重要,我哋咩都會拎出嚟傾。喺我得獎之後呢段時間,我有好大嘅啟發,呢段時間亦令我哋溝通多咗,關係越嚟越清晰。」

精選娛聞,喺晒《娛果》

http://fb.com/appledailyent

攝影:沈健程 王浩信同老婆會當緋聞係笑料(資料圖片) 王浩信同老婆會當緋聞係笑料(資料圖片)
王浩信接受車淑梅訪問

王浩信接受車淑梅訪問
王浩信希望多抽時間陪女(ig圖片)

王浩信希望多抽時間陪女(ig圖片)

鍾意就快D Share啦!
Related Posts Plugin for WordPress, Blogger...