網頁

請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2018年7月20日 星期五

為咗面子可以忍到幾盡?|康仔 __,康仔,蘇永康,

為咗面子可以忍到幾盡?|康仔舊同事Kevin早幾年戴咗頂綠帽之後,就開行turbo周圍識女,卒之皇天不負有心人,畀佢識咗位樣子甜美嘅中女Gigi。不過 ...


  • 為咗面子可以忍到幾盡?|康仔


  • 舊同事Kevin早幾年戴咗頂綠帽之後,就開行turbo周圍識女,卒之皇天不負有心人,畀佢識咗位樣子甜美嘅中女Gigi。不過Gigi喺酒吧返工,食煙、飲酒多過食飯,係正宗烈女一名。

    自從佢兩個撻著之後,好快就開始同居生活,聽Kevin講,Gigi份人原來唔鍾意沖涼,加上晚晚蒲完吧返嚟都斷晒片咁瞓落床,淨係聽Kevin話Gigi把頭髮好似屎坑咁臭都聽過無數次。Gigi同Kevin完全格格不入,所以佢兩個行埋,成班同事都唔多睇好。

    「乜你唔係鍾意啲pure型女仔咩?可以試吓speed dating或者返教會吖,大把選擇喎!」

    「咁Gigi靚吖嘛,唔揀喇!」

    都明白嘅,畢竟Kevin都成四張嘢,阿媽又恨抱孫,仲想造人真係要把握呢段有心有力嘅時間,所以話,唔淨止女人恨結婚嘅,男人喺屋企同年紀壓力底下,都會有同樣嘅包袱。

    拍咗拖大約一年,Kevin同Gigi閃電式結婚,擺酒當日個rundown真係戇居到你唔信,個theme係呆佬拜壽,Kevin個look已經seven,仲要玩埋啲跳舞、踢轎門、唱歌呢啲環節。Kevin不嬲係低調男一名,今次畀人當傻仔咁舞,成班同事都知呢個婚宴一定係Gigi條死MK嘅idea!

    不過頭先講嘅唱歌、跳舞、踢轎門都唔係最精彩,戲肉原來係播放成長片段環節!由於一對新人嘅拍拖日子唔算長,所以啲甜蜜照唔係太多貨,反而新娘子嘅「成長片段」就搶晒fo,唔係因為佢後生嗰時仲索,而係張張相都攬住唔同嘅仔,睇到枱枱賓客都目瞪口呆!

    成長片段播同前男友嘅親密照係咩玩法?冇人知,當晚淨係不斷聽到唔少「善心人」幫忙打圓場,每逢一有前男友嘅相出現,梗會聽到「Kevin以前都幾瘦㗎喎,哈哈!」呢句說話,成段成長片段足足聽到十幾次,可想而知有幾多前男友出現過......

    你可以話Kevin個人「冇L用」、「影衰晒啲男人」,不過經過今次件事之後,康仔覺得今時今日好多人嘅愛情觀已經扭曲晒。年中聽唔少啲女為咗錢、為咗車、為咗樓嫁畀件禿頭肥佬,但查實為咗喺班friends面子show off女友有幾靚而夾硬一齊嘅個案亦唔少。

    冇錯,兩個人一齊係講互相遷就,互相包容對方嘅缺點,但咁樣等唔等於要忍受另一半嘅橫蠻無理先?你會選擇拖出街威威畀人睇,然後返屋企一肚氣谷住谷住成世吖?定還是另一半唔出眾,但大家開心幸福咁共度餘生?康仔覺得,只要幸福快樂,一樣可以令好多人羨慕,做人唔需要一定睇外表咁膚淺嘅!

    專欄作者簡介:

    康仔

    日頭返工攤抖,例牌遲到早走,收工約Friend飲酒,放假陪女玩狗。

    一日冗員,一世冗員,我是康仔。

    Facebook專頁:

    https://www.facebook.com/mynameishonghong/



    鍾意就快D Share啦!


    Related Posts Plugin for WordPress, Blogger...