今日《蘋果》獨家「爆相爆片」大劉劉鑾雄噚日喺希慎與短裙女子爭執近十分鐘（新聞連結： https://bit.ly/2zV8rYK ），有指這位短裙少女，就係27歲嘅o靚模許珮榆（Diva）。
據讀者報料稱，當時甘比拖住囝囝，囡囡就喺前面，大劉就「壓軸」搭扶手電梯，該名短裙少女就攝咗中間嗰級。目擊者形容女子在扶手電梯上左手拎住手機，右手忙於篤篤篤打字，未有捉實扶手，大劉提佢：「呀姐姐，好心你唔好掛住睇手機啦，好危險0架，撞親人點算？」女子即反問：「點會？我睇緊路，點會跌親？」就係因為咁爆發罵戰。目擊者又稱，該女子應該唔認得大劉，待認到之後先至爆一句：「咁有善心，就積下福！係咁喺度鬧人！嘥啲時間做有意義嘅嘢」所以大劉先至回敬：「積你個福！積你老母！佢（子女）受傷係咪你賠呀？」（新聞連結： https://bit.ly/2uAjIIQ ）
晚上《蘋果》聯絡到Diva，她直認就係同大劉對罵的短裙少女。Diva稱：「其實個個係我嚟，我重申，我完全冇撞過佢，我嗰日喺希慎，有fans認到我，叫我影相，佢話我facebook爆咗，問我可唔可以加佢先，我OK，咁啱撞到你又認到我，就加你啦。加完喇，我拎住電話行上電梯，跟住有個阿叔鬧我：『做乜拎住部電話。』仲要極度惡劣，做乜拎住部電話，做乜望電話。」
Diva再講當時情況，「我拎住電話，關你咩事呢其實？佢話：『點解唔關我事呀？』之後佢鬧鬧鬧，佢個仔同我嘅距離，有成半個人高度嘅距離，我點會撞到佢個仔呢？我又冇撞到佢，佢係咁喺度鬧，之後越鬧越過份，我根本唔認得佢，仲同佢講阿叔你唔使咁勞氣㗎喎...」
Diva又稱唔認得大劉：「開頭唔認得佢，我聽到甘比同佢講：『唔好嘈啦爸爸。』我就諗呢個係咪大劉嚟？我同佢講，你咁錫你個仔就積下口福啦，你個仔成日見到你鬧人會跟你學，佢仲嬲，仲話搵人打我。如果佢因為我同佢講積下口福而搵人打我，我唯有報警，就算佢係有錢人我都要講，事實上我都冇撞過佢個仔，做咩要鬧我先？真係好過份，佢大劉喎，咁多個保鑣點可能撞到佢，佢依家係鬧我驚我撞到佢個仔啊！係咁嘅，佢見講我唔過，就話我整容怪物，我即刻話依家去驗，如果我冇整容你係咪賠錢畀，佢用粗口鬧我，話我『戇XX』。」
|
鍾意就快D Share啦！
|
|
|