2018年9月18日 星期二

【真係唔難相處】年少氣盛送走上位機會 林文龍:經歷令我學識把握 __,林文龍,

攝影:林德雄
林文龍喺2008年拍完《法證先鋒II》後離開無綫電視,遊歷9年,舊年回巢拍攝4K劇集《不懂撒嬌的女人》,飾演Gordon嘅林文龍,佢嘅暖男形象撻著咗唔 ...


林文龍喺2008年拍完《法證先鋒II》後離開無綫電視,遊歷9年,舊年回巢拍攝4K劇集《不懂撒嬌的女人》,飾演Gordon嘅林文龍,佢嘅暖男形象撻著咗唔少中女心!其後林文龍再同關樹明合作拍《再創世紀》,今次佢飾演迷債設計者兼基金代理人Duncan,鏡頭前同樣與Gordon同樣有型有款,不過眉宇間有林文龍嘅特質浮現。



林文龍日前喺尖沙嘴接受訪問,提到今次嘅角色,佢覺得兩個角色只係外型近似,但事實係兩個世界嘅人,反而覺得Duncan與自己有相似,他笑說:「我覺得係有啲似,不過呢個角色喺呢段時間落喺我手,係好嘅timing,事實上我自己喺呢幾10年,無論係圈內圈外,都經歷高低起跌,喺我自己嘅記憶系統,又或者歷史有一定嘅資料俾我參考,所以o依家嘅角色喺我手,可以加啲經歷入去角色,但係如果呢個角色喺10幾年前出現,相信會演得比較吃力。」



言談間提到戲中有一幕係林文龍為注資嘅事同潘志文有啲爭拗,臨走前對潘翁講咗一句:「我其實唔係咁難相處!」唔知呢句說話係咪代表自己?林文龍就話:「我入行31年,一路以嚟好多人覺得我好cool,難聽啲講覺得我好寸,不過識得耐咗,你會發覺我唔係一個難相處嘅人,好似Niki(周勵淇)話過第一日開工見到好驚,其實唔止佢一個人講過,好多未合作過人都係咁諗,不過合作咗之後,完全係兩回事。其實我係鱷魚頭老襯底嘅人,純綷係外表,熟咗之後係無所不談,我都好深明呢樣嘢,但係我都冇辦法,唯有去韓國整整佢。」



林文龍再笑笑口話:「唔止外型,其實我自己本身唔係太埋堆,太social嘅人,我會覺得知我嘅係一定會信我,如果你搵我拍戲要我埋堆,我諗我唔會做呢樣嘢,搵得我係因為我適合呢個角色,欣賞我呢個人。」



後來又問到林文龍點睇自己入行呢31年?佢就話:「唔可以講後悔,以前年少氣盛嘅時候,好多嘢得嚟太容易,唔識得珍惜同把握機會,我自己親手推走嘅機會亦都不少,呢個咪就係經歴,如果冇呢啲嘢,今日就唔可以數得番出嚟,可以提醒自己曾經咁樣,到今日再出現某啲嘢嘅時候,知道點樣處理,把握每一個機會,唔會輕易放棄。好似人際關係,多個朋友好過多過敵人,呢啲係累積番嚟。」佢續話:「我唔會覺得係可惜,亦需要埋怨,如果唔係每一日會過得好頹廢同唔開心,人係需要展望將來,明天係會更好。」



場地提供:Cafe Deco 峰景餐廳 (The ONE)



精選娛聞,喺晒《娛果》

http://fb.com/appledailyent



攝影:林德雄 林文龍話自己係鱷魚頭老襯底。 林文龍話自己係鱷魚頭老襯底。
林文龍承認自己當年年少氣盛,親手推走唔少機會。

林文龍承認自己當年年少氣盛,親手推走唔少機會。
林文龍話自己本身唔係太埋堆,太social嘅人。

林文龍話自己本身唔係太埋堆,太social嘅人。
今年係林文龍入行31年。

今年係林文龍入行31年。
林文龍覺得自己同Duncan有啲相似。(電視截圖)

林文龍覺得自己同Duncan有啲相似。(電視截圖)
林文龍當日飾演Gordon,溶化咗唔少女士嘅心。(資料圖片)

林文龍當日飾演Gordon,溶化咗唔少女士嘅心。(資料圖片)

鍾意就快D Share啦!
Related Posts Plugin for WordPress, Blogger...