2018年11月29日 星期四

【兩度中風】昔日「十三太保」李兆基激瘦體弱 要撐柺杖行路 __,三太,李兆基,

(攝影:沈健程)
曾為「慈雲山十三太保」嘅李兆基,近年因兩度中風,激瘦體弱,要撐柺杖行路,祥嫂洪金梅聯同黃夏蕙,今日相約基哥去九龍城一間茶餐廳敍舊,陳禛芝則陪同基哥與祥 ...


曾為「慈雲山十三太保」嘅李兆基,近年因兩度中風,激瘦體弱,要撐柺杖行路,祥嫂洪金梅聯同黃夏蕙,今日相約基哥去九龍城一間茶餐廳敍舊,陳禛芝則陪同基哥與祥嫂會面。比起往時激瘦嘅基哥,需要用柺杖支撐,說話思路清晰,對答如流,基哥初時見到記者感愕然,但亦大方讓傳媒拍照,基哥笑言:「我未死得。」



祥嫂向基哥表示,有好多人支持佢,希望佢長命百歲,基哥雙眼通紅話:「唔好咁長命,長命好辛苦,我喺演藝圈勞碌辛苦生活幾廿年,有乜未見過,辛苦你喇祥嫂。」 祥嫂向基哥表示:「我都係你影迷,個個人都識你,我想同你見面,演藝界人好關心你,唔好咁感慨。」



李兆基與祥嫂大概會面半小時後,陳禛芝先行送基哥離開,撐住拐杖嘅基哥離開茶餐廳,一路走向陳預先準備嘅私家車,問到基哥身體如何,基哥直言:「唔好」其間周潤發家姐周聰玲送基哥上車,基哥話:「玲姐畀咗封利是我,我識咗佢好多年,做電視台嘅時候已經識。」期間陳禛芝安排基哥上車,祥嫂就話畀基哥返去食藥休息。



之後祥嫂接受訪問,祥嫂話:「兩、三個月前見過基哥喺茶餐廳行出嚟,攞住柺杖行動又唔係咁靈活,我內心好難過,我邀請咗華哥(陳禛芝)同佢會面,我本身都識基個,我係佢影迷,鍾意睇佢做戲多過睇新馬仔做戲,基哥做邊樣似邊樣,好有霸氣,好鍾意佢同志雄哥嘅《監獄風雲》。」



講到基哥嘅身體狀況,祥嫂話:「基哥o依家大不如前,係自然定律,年紀大身體差,可能以前工作過勞。」李兆基曾表示,自身體轉差後,江湖朋友反而比娛樂圈朋友更加有義氣照顧佢,祥嫂話:「我哋早一代嘅四方兄弟真係情義重,我今日嚟係一點慰問同關心。」至於經濟上有冇關心基哥,祥嫂話:「睇吓點幫,我都好樂意,初步未傾到呢個關鍵,因為太多人,佢可能適應唔到,咁多傳媒嚇咗一驚,我會再見基哥,希望演藝界同業有心出心、有錢出錢,眾志成城幫基哥,等佢安度晚年,係我內心寄望,我孤掌難鳴。」



問到祥嫂屋企是否賣地,祥嫂回應:「體諒我今日唔好轉話題,今日見到基哥內心好難過,見佢一眶眼淚。」對於今日相約基哥見面,祥嫂話:「我幾次睇新聞,見佢一個人撐柺杖喺呢個行過,冇咗光輝一頁,好似我咁家庭變遷,o依家得我一個,我用意志力撐下去咁。」至於基哥能否重出影壇拍戲,祥嫂話:「戲就拍唔到㗎喇,我會再約佢傾 ,或者佢可以教學生做戲,佢做戲七情上面,原本今日叫埋邵音音出嚟,起碼坐埋睇下有冇乜嘢可以協助,錢銀我樂意幫。」問到會否打本畀基哥開戲,祥嫂話:「不如直接畀錢佢先,佢精神唔好,顧當前之急,o依家佢年紀大,人老體弱,有病在身,我都感同身受。」



精選娛聞,喺晒《娛果》

http://fb.com/appledailyent



(攝影:沈健程) 同以往相比,基哥真係瘦咗好多 同以往相比,基哥真係瘦咗好多
雖然瘦咗好多,但基哥精神明顯好好

雖然瘦咗好多,但基哥精神明顯好好
要撐柺杖行路嘅基哥,由陳禛芝扶實離開茶餐廳

要撐柺杖行路嘅基哥,由陳禛芝扶實離開茶餐廳
基哥表示周潤發家姐周聰玲,送咗封利畀自己

基哥表示周潤發家姐周聰玲,送咗封利畀自己
昔日「慈雲山十三太保」李兆基,因為兩度中風而變得激瘦(資料圖片)

昔日「慈雲山十三太保」李兆基,因為兩度中風而變得激瘦(資料圖片)

鍾意就快D Share啦!
Related Posts Plugin for WordPress, Blogger...