82歲失戀會點？原來同其他年紀失戀一樣咁慘！
拍拖13年，謝賢同細佢49年嘅上海姑娘CoCo，爺孫戀今年玩完，佢仲話自己次次都俾女飛。
冇愛情滋潤，佢似乎顯出老態，行街都帶埋拐杖傍身。
「我真係好悶，一個人住一間屋，起身望住個海，食飯又一個人食，幾枯燥！我好似坐監咁，冇拖拍，平時我真係一條冷呀，陰功！」謝賢說。
雖然冇女友，好在四哥有朋友陪，兩支公喺商場打發時間，慢無目的周圍逛。佢明顯冇以前咁風騷，神情仲有啲落寞，好在狀態仍然幾弗，雖然有帶伸縮拐杖傍身，但通常都係拎住，好少用嚟借力。
撞到當年幫霆鋒打頂包案嘅清洪大狀，兩個就互相問候下。四哥喺商場不斷被集郵，佢當然冇托手踭，有求必應，對fans好友善。
佢對小朋友特別關心，可能係掛住兩粒孫啩！四哥話平均兩星期見孫仔一次，好規律。
不過平日冇特別嘢做，霆鋒忙拍拖同做嘢，婷婷又周圍飛，佢喺香港日日享清福真係幾悶嘅，難怪佢放風話想拍嘢
立即下載Apps，隨時隨地睇盡時政專題、深度偵查、娛樂熱話！
按此連結：http://bit.ly/next28app
來源 source: http://nextplus.nextmedia.com
|
鍾意就快D Share啦！
|
|
|
