2019年4月15日 星期一

【十大名模Ana R.】車軚腰素顏樣跌晒watt 帶大眼得意女超市狂掃雞胸肉 __,Ana R.,

果然係「人靠衣裝,女靠化妝」,就連曾被香港雜誌選為十大名模之一嘅AnaR.都唔例外,換返套便服素顏行超市,本尊同相片真係有出入,而且上年6月生完細仔至 ...




果然係「人靠衣裝,女靠化妝」,就連曾被香港雜誌選為十大名模之一嘅Ana R.都唔例外,換返套便服素顏行超市,本尊同相片真係有出入,而且上年6月生完細仔至今已經10個月,仍未修身成功。雖然一身長袖衫褲包到冚,但一睇就知個身有啲贅肉,就算腹部有抱嬰腰帶擋住,但側身一望又會見到明顯嘅車軚,要回復返之前嘅魔鬼身材,真係要畀多兩錢肉緊至得喇!難怪呢日佢喺超市入貨,主要target係有機雞胸肉啦,仲一買就係十幾包,for keep fit瘦身之用。

Btw,Ana R.個3歲大女Maya,人仔細細已經睇得出佢有齊混血美女嘅優勢,對眼又大又圓好似戴咗大眼仔咁,而且皮光肉滑,大個肯定不得了,可以承繼阿媽衣缽做名模。佢依個年齡嘅小朋友好貪吃,跟住阿媽買嘢期間個嘴未停過,一直食緊嘢,表情、動作都相當可愛。佢有時捐窿捐罅四圍走但又唔睇路,同途人撞埋一嚿,畫面相當有趣。

至於未夠1歲嘅細仔Ryan,全程由傭人姐姐抱住瞓覺覺豬,同家姐一樣眼大大一睇就知第時係個靚仔,大個後實冧死女。


鍾意就快D Share啦!
Related Posts Plugin for WordPress, Blogger...