掃呢頁CODE去手機

2019年4月15日 星期一

【巡唱珠海站】 楊千嬅兩度落淚 問歌迷︰「我係要繼續唱定繼續喊?」 __,楊千嬅,

【巡唱珠海站】楊千嬅兩度落淚問歌迷︰「我係要繼續唱定繼續喊?」41分鐘前「MYBEAUTIFULLIVE楊千嬅世界巡迴演唱會」日前在珠海舉行第二站演出 ...


  • 【巡唱珠海站】 楊千嬅兩度落淚 問歌迷︰「我係要繼續唱定繼續喊?」
  • 41分鐘前






「MY BEAUTIFUL LIVE楊千嬅世界巡迴演唱會」日前在珠海舉行第二站演出兩度落淚,在Encore時現場2萬多位觀眾開著手機的點點燈光,萬千星海場面美麗又壯觀,對於觀眾的熱情千嬅既開心又感動,令她鼻子一酸喊得雙眼通紅!雖然巡演只是第二場,但千嬅笑言已經有捨不得感覺,所以她開心之餘卻感動得有眼淚!

演唱會在戶外體育場舉行,由於當日珠海有雷暴警告,滂沱大雨,所以令千嬅擔心不已,幸而到正式開Show前10分鐘天公造美突然停雨,千嬅表示,她最擔心是在冒雨唱歌會有觸電危險,因為以前她試過被咪高峰電到手,她又擔心台下觀眾要淋濕身睇Show,所以當她得悉停雨後,她在後台禁不住開心大聲叫起來,今次專程拉隊到珠海捧場的「春嬌與志明」好姊妹有谷祖琳、林兆霞及陳逸寧等。

是次珠海站Encore環節準千嬅備高歌一曲「小星星」之際,全場觀眾便開著手機上的燈,千嬅看見眼前一片星海,她即時被感動到流下淚來,她在台上說:「多謝你哋!好靚呀,我第一次喺自己個舞台度得到好多小星星,都唔算太遲!」有觀眾大叫:「終於等到你嚟到珠海呀!」千嬅哭著說:「我咁樣好難搞喎,有冇人可以畀張紙巾我呀(抹眼淚)。」千嬅又用國語多謝大家支持。而台下觀眾不停將在大叫及喝彩聲四起,千嬅又說:「上次喺廣州做真係好驚,因為我第一次做室外演唱,仲要咁多人,喺某個情況上我個膽好大,心口仲掛有個勇字,其實我好脆弱,你哋唔信呀?咁我係咪要繼續唱?定要繼續喊?咁我成晚喊好過唱係咪呀?。」

珠海雖然是第二站,不過千嬅已經有捨不得感覺,所以她在第5 Part忍不住說了一番心聲,她在台上說:「我突然好感動呀,點算呀而家?雖然係第2場,點解好似好唔捨得咁,呢件事對嚟講好變態,但係我好開心,開心得嚟又有眼淚,係咪因為年紀大咗呢?」


鍾意就快D Share啦!