胡定欣坦言視吳鎮宇為恩人。
失落今屆金像獎「最佳新演員」的胡定欣現身金像獎慶功宴。問對賽果會否感到失望？她稱沒有：「今次提名嘅得着係超乎想像，好開心有機會第一次提名，可以參加香港電影圈盛事，個頒獎禮我由細睇到大，但冇諗過可以成為座上一份子，仲要有得提名，對我嚟講已好難忘，我會好好記住。（有冇邊部分最難忘？）行紅地氈已經好難忘，因為落雨，條裙有一半濕晒，我行嘅時候啲水踢番上嚟。不過好可惜鎮宇（吳鎮宇）冇嚟，但我有企喺佢嘅布景板前面影相當同佢合照。」
好姊妹傳授秘訣：總之要靚
定欣坦言已準備了致謝詞，很感謝遇到這部好電影，多謝監製及導演，尤其戲中對手吳鎮宇：「我初時只係諗住上呢艘船欣賞沿途風景，但冇諗過有提名，我入行第一部劇就係同鎮宇合作，第一套電影又係佢合作，我好感恩，係佢為我打開呢個大門，佢係我恩人。（會唔會投身電影圈？）一步一步，我喺電影圈係新人，希望可以識多啲唔同製片商同監製，畀佢哋知我有呢個想法。（有冇人搵你拍電影？）希望有機會。（好姊妹們有安慰你？）冇，個個知道我有提名都好戥我開心，佢哋都係嗰句，總之要靚。」
來源 source: http://hk.on.cc
|
鍾意就快D Share啦！
|
|
|
