2019年4月3日 星期三

《鐵探》首集肉緊一個鐘好快過 但第二集話咁快又有大台劇敗筆位:多餘的感情線 __,TVB,《鐵探》,大台,

緊接《福爾摩師奶》嘅九點半檔新劇《鐵探》,首集播出時相當吸引,就算撇除惠英紅、姜皓文等非大台演員嘅個人魅力,套劇一樣有可觀性,例如實境拍攝油尖旺有港產 ...




緊接《福爾摩師奶》嘅九點半檔新劇《鐵探》,首集播出時相當吸引,就算撇除惠英紅、姜皓文等非大台演員嘅個人魅力,套劇一樣有可觀性,例如實境拍攝油尖旺有港產片味道;警匪追逐、鎗戰駁火以及細路女被挾持,能令觀眾睇得肉緊,節奏十分緊湊,一個鐘頭話咁快就過。

進入第二集,本來都維持到首集嘅優點,可惜到咗第四節,大台劇慣性缺點立即出現,就係喺唔恰當嘅時候加插回憶橋段,意圖深化楊明同蔡思貝嘅感情線。

不過,如此刻意,觀眾唔單只睇得唔肉緊,反而認為成個劇情同節奏被拖垮。事關套劇只不過播咗兩集,觀眾連角色名都未必記得住,更莫講話對角色有感情嘅時候,就想觀眾透過回憶橋段體會到楊明同蔡思貝之關嘅牽絆,未免太天真。最後結果,反而係觀眾投入唔到感情,更令之前營造嘅緊張氣氛徹底斷送。楊明同蔡思貝嘅感情線,仲會因為開衰咗個頭,而落得「未見官先打八十」嘅局面。

其實都係一啲老生常談:角色間嘅感情係要透過情節「滲」出嚟,讓觀眾自己去感受,咁先會令觀眾對一個角色產生情感,而唔係透過回憶橋段等方法夾硬話俾觀眾知。呢種填鴨式方法,係大台劇講述人物關係嘅一貫敗筆,其實做唔到「滲」嘅效果,不如直接放棄人物關係感情嘅營造,重回正軌集中返警匪對壘、伙計手足情仲好,好過強加感情線畀力捧中嘅親生仔女,增加曝光、推長集數,最後反而被唾棄,得不償失。

近期有睇過下大台劇嘅都feel到,頭幾集往往開得好唔錯,係吸引嘅,而結局亦唔再係BBQ式,有進步。但,中段充斥各種感情線、回憶情節等廢戲。《鐵探》第二集末段話咁快已經推咗楊明同蔡思貝出嚟,可想而知呢種情節喺往段劇情都唔會少得去邊,起碼仲有「蔡思貝如何經歷童年陰影」、「袁偉豪王君馨感情線」等等。

BTW,網民話如果楊明改為林峯、袁偉豪變成吳卓羲,會吸引啲!同意?


鍾意就快D Share啦!
Related Posts Plugin for WordPress, Blogger...