網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2019年10月4日 星期五

無情雞換有情人 群星伸援手林子博失業:最緊要有條命 __,林子博,

林子博慘食無綫的「無情雞」,幸好不少藝人出手相助,ViuTV也向他招手。
林子博慘食無綫的「無情雞」,幸好不少藝人出手相助,ViuTV也向他招手。【娛樂人物】林子博自2008年加入無綫後,主力做娛樂主播,偶爾拍攝劇集。數月前 ...


【娛樂人物】

林子博自2008年加入無綫後,主力做娛樂主播,偶爾拍攝劇集。數月前子博太太Shirley不幸患上罕見癌症,子博一人擔起整頭家,禍不單行,子博不獲無綫續約。慘食「無情雞」的他,幸好有一班「有情人」古天樂、汪明荃及張衞健等相助,雖然經濟陷入困境,但子博依然樂觀面對:「我又唔係冇手冇腳,最緊要有條命、有健康。」

採訪:戴彩煥

攝影:沈健程

場地提供:BARON 99

相關新聞:【做過亞視】求婚冇錢送鑽戒

現年48歲的林子博,過去11年在無綫娛樂新聞台做主播,跟太太Shirley公一份婆一份,一家四口生活雖不富裕,但知足。數個月前,這個幸福之家起了重大變化,跟子博結婚16年的Shirley,不幸患上極罕有的癌症「平滑肌肉瘤(腹腔)」第四期,癌細胞更擴散到肝、胰、肺及淋巴。Shirley為抗癌而辭去原來工作,子博一個人孭起整頭家,沒想到無綫決定本月1日約滿後,不再跟他續約,連家中唯一經濟支柱也倒下來。



曾寸爆無綫山頭論的汪明荃,也有向林子博伸援手。互聯網圖片 曾寸爆無綫山頭論的汪明荃,也有向林子博伸援手。互聯網圖片
林子博(右)在無綫採訪娛樂新聞多年,而與不少藝人結緣。資料圖片

林子博(右)在無綫採訪娛樂新聞多年,而與不少藝人結緣。資料圖片

張衞健錄音鼓勵

不過,一隻「無情雞」換來一班「有情人」,古天樂、汪明荃、鄭秀文、張衞健、薛家燕、鮑起靜、江美儀及張慧儀等,相熟的、不相熟的,一個個伸出援手,有些經濟上支持,助Shirley到美國就醫,有些介紹工作。子博日前接受《蘋果》專訪,他由衷感激說:「我呢11年喺娛樂新聞台係冇白過,你諗都諗唔到,我只不過訪問過兩次、三次,真係冇電話冇交情,但佢哋都有幫我。好似張衞健,佢搵我電話WhatsApp我,有好多鼓勵嘅說話同我講,甚至乎佢留言畀我太太,我太太聽完之後喊咗出嚟。佢話:『你要頂住呀,你一定會好番㗎,大帥哥會撐你呀!』」ViuTV方面已向子博招手,正如子博所講,天無絕人之路。

曾經有傳子博因為在社交網發表過黃絲言論才不獲無綫續約,子博已否認此說法,強調自己講子女講民生居多。他有否向公司了解過「真正死因」?他坦言:「冇問。我淨係諗個解決方法,當我遇到呢個問題,我諗:『我點樣同老婆講呢?』」Shirley聽到子博失業後曾經爆喊,直至看到支持留言,心情已平復下來:「我不停同佢講唔需要擔心,我又唔係冇手冇腳,最緊要有條命、有健康。」

相關新聞:太太患癌:覺得自己倒數緊



林子博早前與一班亞視舊同事開party,為Shirley打氣。微博圖片

林子博早前與一班亞視舊同事開party,為Shirley打氣。微博圖片
林子博與Shirley的一對子女非常乖巧,大女詠渝甚至說要做兼職幫補家計。互聯網圖片

林子博與Shirley的一對子女非常乖巧,大女詠渝甚至說要做兼職幫補家計。互聯網圖片

見病妻嘔嬲無綫

曾在亞視工作九年的子博,當年也是突然不獲續約,還因此而沒有能力供樓要賣樓,隨後加入東亞衛視最後執笠,又再失業,今次再度失業,子博說:「我一路都OK嘅,係唔開心,但冇話好激動或者喊。」子博續說:「冇一間公司係養你一世,雖然我冇刻意去嬲TVB,但當有啲畫面喺我面前出現嘅時候,我就會好嬲TVB,就係我睇住老婆攬住個廁所嘔,喺嗰一刻我就會諗:『TVB你做乜喺呢個時間搞我?你畀我過咗呢關先』」不少網民鬧無綫冷血,子博有另一番睇法:「只不過呢段時間我咁唔好彩,可能佢都有佢嘅難處,我唔係刻意幫佢諗,只不過令到我自己好過啲啫。」

Shirley現於東區醫院做化療,但頭兩次在私家醫院做化療,已將積蓄花得七七八八,失業的他又如何應付開支?子博樂觀說:「又唔係諗到咁絕望,我會做兼職。」子博10歲的囝囝卓楠,擔心媽咪知道爹哋失業後影響病情,天真到建議爹哋「扮返工」瞞媽咪,14歲的大女詠渝,也主動說做兼職幫補家計:「我話爹哋好快搵到嘢做嘅,你畀心機讀書已經夠。」今次可算是人生最大打擊?子博苦笑:「我希望係!唔好再嚟喇!」




鍾意就快D Share啦!