2019年11月7日 星期四

【喊過兩次】梁靖琪懷胎7月照着高踭鞋 試裙唔啱就自己喊 __,梁靖琪,

 (攝影:陳慧安)
今年低調再婚、明年1月預產期的梁靖琪(Toby)、聯同現在專注美容生意的韓君婷、郭少芸及何紫綸,今日去到尖沙咀出席醫學美容藥廠記者會。懷胎7個多月的T ...




今年低調再婚、明年1月預產期的梁靖琪(Toby)、聯同現在專注美容生意的韓君婷、郭少芸及何紫綸,今日去到尖沙咀出席醫學美容藥廠記者會。



懷胎7個多月的Toby,肚皮雖然負重不少,但今日依然穿上4吋高踭鞋出席活動,她雖然肚很大,行動不吃力,Toby說:「我着高踭鞋就知唔吃力,不過其實老公唔畀我着,之前試過好多對鞋,好多條裙,試咗好多條都唔啱,然後自己就喊,其實有BB以來喊過兩次 ,第一次係執嘢執唔到就喊,不過喊完就笑返仲要求食雪糕,其實懷胎以來自己情緒算好好,只係喊過兩次。」Toby否認自己情緒波動,卻承認記性很差,經常把事情忘記,又易攰好想睡覺。



Tony透露,預產期在明年1月,她說:「如無意外係豬仔,我爸爸屬鼠,我做豬,兩樣都好,自己開始好緊張,成日發夢生仔。」Toby指老公很照顧她,有預早裝BB床,準備BB用品,每次也陪她做產檢,Toby說:「老公有問我仲有幾多工作要做,叫我唔好咁辛苦,喺生仔之前仲有一個活動喺11月,最近都係少啲出街,多啲喺屋企休養。」對於產後會否休息,Toby表示已接1齣電視劇在6月開拍,未知到時會否不捨得BB,最重要是擔心能否趕及修身,Toby說:「唔知自己收唔收得切身,而家重咗廿幾磅,開頭以為自己只係會肥20磅,自己一向好健康,唔知肥咗去邊,好在朋友話我陀得靚,冇腳腫面腫,皮膚亦好好。」不過Toby表示沒有拍懷胎寫真,或考慮產前趕拍。



另外,現在從事美容生意的韓君婷表示,現在只是打工,希望吸收經驗為自己將來做生意打好基礎。韓君婷剛到過44歲生日,她說:「喺33歲生日時,自己搵人幫自己紋身留紀念,今年44歲,自己幫自己紋眉,紀念之餘,朝早可以慳時間瞓多15分鐘。」



採訪:張明、攝影:陳慧安



(攝影:陳慧安)  懷胎7個多月的Toby,肚皮雖然負重不少,但今日依然穿上4吋高踭鞋出席活動 懷胎7個多月的Toby,肚皮雖然負重不少,但今日依然穿上4吋高踭鞋出席活動
 Tony透露預產期在明年1月

Tony透露預產期在明年1月
 韓君婷剛到過44歲生日

韓君婷剛到過44歲生日
 現在從事美容生意的韓君婷表示,現在只是打工

現在從事美容生意的韓君婷表示,現在只是打工

鍾意就快D Share啦!
Related Posts Plugin for WordPress, Blogger...