2019年11月7日星期四

【頭條獨家】友誼小姐變藝人慳住使陳熙蕊入手平價喱士背心 __,陳熙蕊,

【頭條獨家】友誼小姐變藝人慳住使陳熙蕊入手平價喱士背心

陳熙蕊揀好背心款式便拿入更衣室試。

今屆港姐嘅友誼小姐，26歲嘅陳熙蕊（Blossom）已簽約成為TVB藝人，由平民到友誼小姐再變成為artist，雖然身份唔同咗，但生活依舊貼地。日前見Blossom去咗銅鑼灣行街，佢先去記利佐治街食酸辣粉醫肚，再行去駱克道的平價少女服飾店6ixty8ight買喱士背心，背心仔百幾蚊，款式好質地又唔太差，見佢揀咗好耐，入手一件咁大把。採訪：梁志明

陳熙蕊在比賽中表現都算突出，先憑出色口才獲得港姐限量珍藏迷你版后冠及權杖，然後再奪得「友誼小姐」名銜。事前她被看好入三甲，令她信心大增，只可惜決賽當晚，才藝表演數白欖式Rap，有網民表示聽到起雞皮。最後她都不能打破「友誼小姐魔咒」而落選，不過仍可以跟TVB簽約成為藝人。

百幾蚊都要慳住使

日前下晝三點，未有新工作的陳熙蕊去銅鑼灣shopping，她先去金百利附近食「傷心酸辣粉」醫肚，食咗半個鐘就慢行去駱克道的平價少女服飾店6ixty8ight睇內衣同背心。全店衫都唔太貴，買勻全身都唔過六百， Blossom睇咗10分鐘，期間用手機上網搵吓心水款式再比較吓，最後情傾白色吊帶喱士背心，佢入更衣室試完就去畀錢，埋單$140有找。